La Seksion en ladino/djudeo-espanyol del djurnal Shalom de Estambol – 16/12/2020

La Sección en ladino de cada semana del periódico Shalom de Estambul siempre con artículos interesantes… –  Shalom / pajina en djudeo-espanyol.

Esta semana podesh meldar los sigientes artikolos:

• UNA ISTORYIKA DE HANUKA: Eliz GATENYO. Esta semana fiestamos la fiesta de Hanuka. La fiesta de Hanuka es en mizmo tiempo la fiesta de las luzes “Hag Urim”. En este mez de Disiembre, ke es el mez mas areskuro del anyo, las luzes de las hanukiyas mos arelumbran los korasones i aklaresen las kazas… ver mas >

• KREER EN MIRAKLOS: Forti BAROKAS. Yo me kreyo muncho en miraklos, alora vos kontare una istorya talmudika ke tengo meldado en un livro. En una ora byen tadre de la noche, un otobus toma kamino de Tel Aviv a Yerushalayim. Unos de los pasajeros estavan durmyendo, otros despasensyados por arivar a sus kazas una ora mas antes. Komo era una ora byen tadre de la noche, los kaminos estavan asolados i oskuros…  ver mas >

• LA ERMUERA JUDIYA DE JOE BIDEN, MELISSA BATYA KOHEN: Dora NİYEGO. a noche de Shabbat, kuando el muevo prezidente de los Estados Unidos remersyo la nasyon en su diskorso de viktorya, su mueva ermuera aparesyo kon la famiya de Biden en la shena en Wilmington, Delaware… ver mas >

• La Luzes Mirakulozas de la Fiesta de Hanuka: Esti SAUL. Unas novedades ke espero vos alegraran: PERASHA VAYISHLAH – Shalom bayit (Un ogar en paz) Mos aklara: En un kazamiento la paz es importante. El marido deve de amar a su espoza mas de si mizmo … ver mas >

• Ke vamos a mirar en la karantina?: Karel VALANSİ. Kon el fin del verano i el retorno de la karantina, estamos mas tiempo en las kazas. Les kero propozar tres serias de TV echos en Israel. El primer es «Tehran». Es una seria de espionaje muy enteresante. Una espion del Mossad viaja en sekreto a la kapital de Iran. Tehran es su lugar de nasimiento tambien. La hacker de komputadora tiene el objektivo de dezaktivar el reaktor nuklear. Esta misyon tendra implikasyones para el Medio Oriente i el mundo entero. La seria es en ebreo i perso. Es una sezon i tiene ocho episodios, kada uno 50 minutos… ver mas >

• Unos kuantos puntos istorikos sovre los djudios en Marocco): Metin DELEVİ. EUnos kuantos dias antes se anunsyo el akordo de rekonosimyento mutual entre Israel i Marocco. En esta okazyon vos kije dar unos kuantos puntos remarkavles sovre la istorya de los Djudios en Marocco… ver mas >

• Mikets: Rav Yeuda ADONİ. Paro, rey de Ejipto, se sonya una noche un suenyo muy trublado i se le esmove su suenyo, i no puede durmir. A la manyana manda a yamar a todos los savyos del pais para ke le digan la eksplikasyon de este suenyo… ver mas >

• “H A N U K K A H”: Şeli GAON. Keridos Lektores, Djugeves la noche selebrimos la fyesta de “Hanuka”, la “Fyesta de las Luzes”, la “Fyesta de Konsakrarse de Muevo”, el 25 kislev asegun el kalendaryo ebreo. Esta fyesta va kontinuar ocho dias. Kada dia vamos a asender una kandelika para akodrarmos de la azete ke kontinuo a kemar en el templo en el chiko resipyente… ver mas >

• Amanyana es el konje de Zoom: Silvyo OVADYA. Diya de Shabat, Karen mos telefono dizyendo ke devemos de azer una seduta diya de alhad para dar karar lo ke devemos de azer el Dia del Ladino. La semana pasada izimos una konferensia de zoom kon los Israelyanos, Amerikanos i los de Arjantina para dar karar si puedemos azer un diya mundial. Kon estas oras no es muy fasil. Estanbol, Londra, Paris, Buenos Aires, Nueva York, Dallas i Seattle. No es muy fasil… ver mas >

• “TIEMPO PARA TROKAR” i “TIKUN OLAM”: Süzet FRANSEZ. “Un temps pour changer” en fransez / “Retorniamo a sognare” en italiano (Titolos del livro del Papa Francisco) Un dia estava sigiendo el kanal fransez TV5, el program de la manyana “télé-matin”. Izieron la reklam de este livro donde el titolo en fransez es “Un temps pour changer”. Este titolo me entrigo i empesi a bushkar el sujeto de este livro.. ver mas >