La Seksion en ladino/djudeo-espanyol de kada semana del djurnal Shalom de Estambol – 11/11/2020

La Sección en ladino de cada semana del periódico Shalom de Estambul siempre con artículos interesantes… –  Shalom / pajina en djudeo-espanyol.

Esta semana podesh meldar los sigientes artikolos:

• Biden: el muevo Prezidente de los Estados Unidos: Silvyo OVADYA. Kuatro anyos antes, despues de las eleksyones en los Estados Unidos, la mas grande partida de los Amerikanos estavan siguros ke Hillary Clinton iva ser la primera mujer ke iva resivir el posto de prezidente de los Estados Unidos. Hillary gano 3 milyones mas munchos de votos ke Trump; ma no reusho a ganar. Es Donald Trump ke fue el prezidente de los Estados Unidos… ver mas >

• Haye Sara: Rav Yeuda ADONİ. Arivando Avraam a Beer Sheva, i sintyendo la muerte de su mujer en Hevron, se va a Hevron por yorarla i endecharla, i mirarle su rijo. I syendo savia Avraam ke en este lugar onde estan enterrados Adam Arishon i Hava su mujer, se kijo azer patron de este lugar, i apropyarselo por lugar de enteramyento para el i su famiya… ver mas >

• El Trezoro del Rashi i el Solitreo: Juan Sanchez. El Djudeoespanyol tyene munchas tradisyones, istoryas, kozas linguistikas ke la fazen una lingua muy enteresante i ermoza. Una ke me vyene al tino ke ay manko de djente ke la konose son los dos alfabetos Ebreos del Djudeoespanyol, el Rashi i el Solitreo. Asta el empesijo de las primeras eskolas de la Alliance Israelite Universelle en los 1860s, el Djudeoespanyol siempre se eskrivia kon letras Ebreas. Los livros, las gazetas, i los tekstos en Rashi, i las korrespondensyas i manuskritos eskritos a mano, en Solitreo… ver mas >

• Riyeremos Un Poko: Hayim Behmoaras. Moshon estava kaminando, se areto delantre de una botika ke vendiya livros. Disho echare un ojiko aryento, veremos si ay un livro ermozo. Mirando vido un livro ke se yamava «Komo se aze Marido fuerte». Se aserko al lado miro dos, tres ojas i lo merko el livro. A la noche vino a kaza kon grande emosyon, sono la puerta, i Janti le avyo. Moshon le disho kualo es este hal Janti? … ver mas >

• El lonsiko de pelush favorito de los adultos: Esti SAUL. La primera aventura de Ted, el lonsiko de pelush ke topó vida kuando el suenyo de chikez de John Bennett se izo realidad, konkistó los korasones de los amantes del sinema en 1912. En la kontinuasion del filmo, Ted kreó su propia vida, después de averse kazado kon su enamorada Tammy Lynn i topado la felisidad. Ay, portanto, un problem. Ted kere azerse padre, ma en primero tiene ke demostrar ke es una persona en un tribunal de justisia… ver mas >

• Dale una oportunidad a la leche de kavra!: Esti SAUL. Si dezeas tener un espirito enérjiko i un tino klaro, en lugar de tomar tabletas ke prometen milagros, aprova de adjustar leche de kavra a tu musli. Es posivle ke oyes su nombre por la primera vez, ma el «aminoasido triptofano» aktiva la hormona serotonina ke es buena para tu estado de alma. I la leche de kavra kontiene niveles más altos de triptofano ke la leche de vaka… ver mas >

• YA PISHO ELENI?: Eliz GATENYO. Mi esfuegro era nasido en Salonik. Kuando uvo el fuego grande de Salonik en 1917, el era dainda chiko. La famiya morava en una abitasyon ke era kompozada de kuatro kazas ke formavan un kare. En este “blok” de kazas biviya la famiya entera. Los padres, las ermanas, las primas, las ermueras, las tiyas ets. En medyo de estas kazas aviya un kortijo ande se asentavan las mujeres, trikotavan, brodavan, beviyan kafiko, aziyan moabet. Los ombres djugavan tavli… ver mas >

• Un Judyo en Ramallah: Dora NİYEGO. Una memorya de Dan Eisenblott. Viernes la noche, en salyendo de la Sinagoga, Dan se aserko de un mansevo bruno kon un sako en el ombro. «Deve de ser un Sefaradi o puede ser un Marokano» penso Dan. «Shabat Shalom, yo me yamo Dan Eisenblott. Keres vinir komer kon mozotros?» La kara del mansevo se le izo blanka: «Kon grande plazer». Endjuntos se fueron a la kaza de Dan. En komyendo el mansevo tomo el livro de kantikas de Shabat i disho, «Esto bushkando una kantika… ver mas >