La Seksion en ladino/djudeo-espanyol de kada semana del djurnal Shalom de Estambol – 28/10/2020

La Sección en ladino de cada semana del periódico Shalom de Estambul siempre con artículos interesantes… –  Shalom / pajina en djudeo-espanyol.

Esta semana podesh meldar los sigientes artikolos:

• El Diya Evropeo de la Kultura Djudia: Silvyo OVADYA. Es Alhad el 25 de Oktobre ke el Muzeo Djudio d’Estanbol organizo el Diya Evropeo de la Kultura Djudia. Ya savesh ke no era muy kolay de organizar evenimyentos komo los anyos pasados. La Korona mos esta limitando en todos los kampos. Mizmo para el Muzeo… ver mas >

• Susam: Forti BAROKAS. Los diyas de alkavo denverano son tristes. La kolor de las ojas trokan, de verlas en basho arastando me aze pena, los diyas akurtan i se aze presto aleskuro i esto me da tristesa, ma una koza me da konsuelo i digo si no vyene otonyo no vyene primavera, si no vyene invyerno no vyene enverano… ver mas >

• Despues de mezes una boda en Neve-Shalom: Şeli GAON. Alhad pasado tuve el plazer de asistir a la boda de “Ronit & Vedat” Paçacı en Neve-Shalom. RONİT, ija de “Ester & Albert Asa” kon VEDAT, ijo de “Vivet & Mando (z»l.) Paçacı estavan komo dos andjelikos. A kavza de este virus mortal “Corona”… ver mas >

• Leh Leha: Rav Yeuda ADONİ. Avraam Avinu sigun el orden de el Kriyador tomo a Sara i a Lot, su sovrino i vinyeron a la tyerra de Kenaan. Entonses se deklaro unas diferensyas entre los pastores de Lot, sovrino de Avraam, por kavza ke la tyerra no abastesiya a mantener la muchidumbre de Ganado, ovejas i kuatropeas ke teniyan entre eyos… ver mas >

• Una kapsula de tyempo de la dekada de 1870 fue deskuvyerta en la Sinagoga Viktoryana ande se topa el Muzeo Djudio de Manchester, Inglaterra: Metin DELEVİ. Kualo es una kapsula de tyempo? Un resipyente ke kontyene una kuantidad de objektos, efektos eskojidos komo tipikos de akel tyempo prezente, i guadrados o enterrados para ser deskuvyertos en el futuro. Una kapsula de tyempo djudia guadrado, ke data de kaji 150 anyos antes, fue deskuvyerta durante los lavoros de restorasyon en la antigua Sinagoga ande se topa el Muzeo Djudio de Manchester… ver mas >

• Im Ninalu: Kenan CRUZ. Im Ninalu es un poema Yemenita tradisyonal ke fue eskrito por el famozo haham Shalom Shabazi en el siglo 17. Este poema, eskrito en ebreo es konosido en todas partes del mundo i es uno de las poemas/kantikas mizrahis mas populares en muestro tiempo. Por munchos el ritmo, la melodiya, i el estilo tipiko de Yemen son las razones prinsipales i atraktivas por los kualos sienten una koneksiyon kon esta kantika… ver mas >

• SAMİ KOHEN Resivio el “Premio de Servisio Superior» (ÜSTÜN HİZMET ÖDÜLÜ): Esti SAUL. Jurnalisto Spesialisto de Novedades Estranjeras, una personalita umana, amavle, ke atira por su simplisidad, prekursor i perfeksionisto. Reusho a azerse akseptar en la prensa turka, vigorozo entre sus linyas. Apresiamos el profesor i amigo ke alkanso a la notoriedad de envergura internasional desde 1952… ver mas >

• 1973 La gerra de Kipur: Ester Pando. En 1970 izimos Aliya kon mis padres. Teniyamos muestra kaza i mi padre avyo su echo de tekstil i yo me fui a una eskola enterna ke se yamava «pnimiya» en Ebreo. Grasyas al «sohnut aliyat anoar», ke era una fondasyon para los mansevos ke kijieron azer Aliya, kada moed, i en vezes vyernes i shabat saliyamos a kaza… ver mas >

• 11 Cheshvan 5781 “Kol Berama Nishma…”: Eden ISRAEL. El diya 11 del mez Heshvan es el Hilula de Rahel Imenu, muestra amada madre, la madre del puevlo djudio. Rahel era la esposa mas kerida de Yaakov. En 5780, estuve en la tumba de Rahel, el Kever Rahel en ivrit. Mientras sentia una koneksion profunda, ize mis tefilot, i oy emosionalmente desidi eskrivir este artikolo por su merito… ver mas >