eSefarad Noticias del Mundo Sefaradi
Nacido en Estambul, Gad Nassi graduó de la Galatasaray High School y de la Facultad de Medicina de la Universidad de Estambul. Comenzó su carrera como autor durante sus estudios de secundaria, escribiendo para revistas locales. se desempeñó como director de Shalom, el periódico de la comunidad judía de Turquía, como corresponsal de varias publicaciones extranjeras, y también dirigió la oficina de prensa del consulado israelí en Estambul. Es uno de los promotores y fundadores de El Amaneser, un suplemento mensual en judeo-español del periódico Shalom en Estambul. Kada semana Gad mos dará artikolos de su kreasion para kompartir kon muestros lektores.
————————————————————————————————————————————————–
La Bivda de Zarefat
Ansi avlo el Dio a Eliyau Anavi:
«Alevantate i vate a Zarefat, allado de Sidon, i aresentate ayi. Porke ordeni a una bivda ke mora ayi de tener kargo de ti«.
En esto, se alevanto Eliyau i se hue a Zarefat. I, kuando arivo a la puerta de esta sivdad, remarko a una bivda ke estava arekojendo ramos. Eliyau se adreso a eya:
i su ijo. Hans Snellinck, 1578.
«Por grasya, dame a bever un poko de agua para kalmar mi ser«.
Kuando la mujer se estava indo a trayerle agua, Eliyau la yamo de muevo, i le disho:
«Trayeme i un pedaso de pan en tus manos«.
La bivda le disho:
«Ke Yehova, tu Dio bive, no tengo koza de masa, ma tengo un punyado de komida, kon un poko de azyete en la djara. Va arekojer unos kuantos ramos para kozer kualkere koza para mi i para mi ijo, para pueder tener de kualo de komer, i despues para murirmos«.
Eliyau respondio:
«No t’espantes. Va aze lo ke dishites. Ma, koze para mi en primero un poko koza de masa, i trayemela, i despues koze un poko para ti i para tu ijo.
Por esto, dize Yehova, el Dio de Israel, ke fina ke azera kayer luvya sovre la tierra, tu kalderika de komida nunka sera vaziya, i ke tu azyete no se eskapara«.
I, la bivda izo asigun ke Eliyau disho. I, Eliyau kon eya i su ijo tuvieron kualo de komer munchos diyas. I, asigun ke el Dio avia avlado por la boka de Eliyau, ni la komida, i ni el azyete no se eskaparon.
Afito mas despues, ke el ijo de la bivda kayo hazino de una hazinura tan mala ke no le avia kedado mas reflo.
En esto, la bivda se eksklamo a Eliyau:
«Kualo tengo de azer kon ti, ombre del Dio? Vinites para akodrarme ke tengo pekado, i para matar a mi kreatura!”
Eliyau respondio:
«Damelo a tu ijo«.
I lo tomo de su pecho, lo yevo a la kamareta ande se estava kedando, i lo echo a su kama.
En esto, lo yamo al Dio, i disho:
de la bivda. Julius Schnorr, 1794-1872
«Yehova, mi Dio! Es ke trushites la malor ande esta bivda, kon lakuala me esto kedando, en matando a su ijio?»
Apreto fuerte fuerte a la kreatura tres vezes sovre su puerpo, i grito al Dio:
«Yehova, mi Dio! Por favor aze ke la alma de esta kreatura se abolta de muevo a el«.
El Dio oyo a Eliau, la alma de la kreatura se abolto de muevo, i la kreatura se arebivio.
Eliyau tomo a la kreatura, i la trusho abasho en la kaza, i la entrego en las manos de su madre en diziendo:
«Aferralo, tu ijo esta en vida«.
La bivda le respondio:
«Agora, ya se ke sos una persona del Dio, i ke la palavra de Yehova en tu
boka es vedra«.
* * *
Este evenemento se pase durante una perioda de ambre, basho el reyno del Rey Ahav en el Reynado del Norte. De este modo, Eliyau i la bivda kon su kreatura avian topado de komer.
La arebivision del ijo de la bivda tuvo de mismo, una grande influensa sovre la pensada relijioza, en akordando a Eliyau Anavi la vertud de arebivir a los muertos.
—————————————–
Gad Nassi
