eSefarad Noticias del Mundo Sefaradi
“Savesh ande requierens anchos i merkan estrechuras”
Esta dicha mi madre la empleyava muncho. Kada vez ke la dizya yo me inyervava. Porke no entendia la significacion.
En una conferencia de un psicólogo, estava dando a entender ke kon tyempo todos, seya ijos seya ijas pareseran a sus padres i madres. Mezmo un tyempo si dizyash yo no va azer lo ke izyeron kon tyempo vash a azer lo mezmo.
En la manseves, kreyo ke todos disimos:
“Yo no va azer lo ke me izyeron” ma hand psicólogo teniya razon, yo, kada diya esto paresyendo a mi mama. Seya lo ke avlava, seya lo ke pensava. Sovretodo kuando ya estava aedada dizya;
“lores al dyo i oy ya komimos” “sanedad, mas no kero nada” “yo ke va azer las ijas ke tener muncho bueno” “en kama no kayere” etc.
İyo apoko apoko esto en este kamino, repetando sus palavras i azyendo lo ke aziya. A mi ijo ke ya tyene 50 anyos le demando
“¿ Qué pasa con el comité? ” En savyendo ke kada vez me va dar la mezma respuesta
“No mamá ay tres diyas kesto ambyerto”.
Pasensyoza so, ma para munchas kozas no me kedo del todo pasensya i no esto puedyendo suportar.
De vez en kuando ay djente ke kontan una operación ke se izyeron atras 20 anyos, kon la sal i la pimyenta.
Por ekzempyo tenemos una amiga, ke oyo? Ke una sev va travar un dyente guaydimi ya bolimos….
De vista empesa a contra la operación de tiroides, de la ora ke salyo de accident i abasho las eskaleras i se suvyo a la car i se fue al ospital, komo se opero, komo se durmyo i dospues de una ora i media eskapa komo se suvyo a la car i komo torno a accident. Esto se konta en kada vijita i en kada fixo afilu ke ya lo oyimos syen vezes. Asigun eskapo la una empesa otra a kontar komo la paryo a su ija, la ija ya tyene ijo gana dinero. Fin ke una otra amiga sale enmedyo i string:
“¡Ayde ijikas yabasta! La kestyon de medisino ya se serro”. otra empesa cono:
“Ya savesh ijikas disheron ke”…..
Antes teniya pasensya agora no esto puedyendo, kijo Dizir ke mi madre teniya razon. A todos kale akseptar kon sus characteres kon sus defektos, porke en todas las edades una amiga es una djoya muy presyoza. Esverda ke me plaze estar kon amigas i konversar ma no pariduras i operation. Tengo amigas ke pensan komo mi i me stringen Forti mos miraremos buenas si no vamos a kedar solas. Yo les digo “mi madre dizya:
“Mas vale sola ke mal acompañamiento”
En fin agora kon la techia estamos en un dor de prestor, pizando a una tush estamos pagando bill, tomando rendezvous de doctores, empleyando de los marketes, estamos eskapando mile echos. Todo muy ermozo ma los mensajes i emojis no me esta plazyendo muncho no es mijor de avrir un Telefoniko i demandar Remember u u ir ande una amiga a bever cafe i ezbafar un poko.
Agora todo se esta azyendo kon mensajería de whatsapp. Sin emojis no es posible de eskrivir un mesmo, munchas vezes no ay menester de eskrivir mezmo. Solo una kara keriye es ke ya lo topo divertido, u byen una kara yorando es ke le embaraso, u byen un dedo es ke ya esta dakordo, u byen palmas es ke ya le plazyo. Komo estas miles de symboles, rosas, pasharos, korasones de mil maneras no se Cephe dicho. Innovationes me plaze ma en vezes ya estamos abuzando, malorozamente no esta kedando ni amistad ni amigavle. Mos estamos auzando a una vida estrecha, los chikos i los mansevos no karen saver de nada i no tyenen pasensya deltodo. Yo no kero esta manera de bivir, ni esta vida virtual komo un robot.
El mez de sivan para mi es un poko triste. En una eskrita pasha, vos aviya eskrito ke en la vida syempre, todo no va derecho, ay preto i blanko. De ves en kuando riyimos en yorando i yoramos en riyendo.
Antes 13 anyos este mez peryi a mi marido dospues de 45 anyos de kazamyento. En la mijor ora me vyene al tino i lamento ke se fue muy presto, lamento ke se fue sin ver inyetos, lamento ke lo teniyamos muncho menester.
Ke se aze la vida esta continuando….
Komemoramos kon karinyo en el 13 en anyo
“Ke agua toma repoze en ganeden”.
Forti Barokas
Fuente: turkisrael.org.il
