eSefarad Noticias del Mundo Sefaradi
Forti Barokas mos konta una anekdota sovre la vida de Rashel en djudeo-espanyol de Estambol, enrejistrada en fevrero 2016.
Forti Barokas mos da a konoser la inspirasion para una de sus ovras de teatro. Su avuela le kontava una istoria kuando no keria dormir o komer, una istoria inspirada en los faktos de su propia vida. Eya lo yamo «La istoria de Rachel».
De djoven, Rachel, una djoven edukada i refinada, se kaz kon un komersiante de Tekirdağ. Ayi, su vida troko por kompleto. Komo madre de sinco ijos, se vio ovligada a manejar la kaza, okuparse del lavoro de kada diya i ayudar a su marido a produsir vino. Esto muestra ke su vida kontinuo asta el diya en ke su ijo el bohor reusho a fuir a Estambol, onde fue a la eskola i lavoro. Dospues de un tiempo, su ijo pudo yevar a su madre i a sus otros ermanos a Estambol, lo que le permetio tambien fuir de su marido en un momento en que el divorso se veía kon grande verguensa. Forti rekodro esta «istoria» ke avia sintido en munchas okasiones a lo largo de su chikez i a la fin desidio bazar un guion de teatro en torno a la historia.
Referensia:
La konsežíka de Rašél – La historia de Rachel; interprete: Forti Barokas, Kamara / Entrevista: Ioana Aminian, traskripsion / traduksin: Ioana Aminian, Deyvi Papo, Imane Sghiouar, editor: Deyvi Papo, rekuperado de www.oeaw.ac.at/VLACH, número de identificación: ladi1251TRV0025a
Fuente: Moshe Gomez para Ladinokomunita
