eSefarad Noticias del Mundo Sefaradi
Keridos amigos i amigas.
En la Revista HAMODIA de Septembre «Rabbi Aharon Perlow» kompilo la istoria del «Rav Yaakov Reich» en su aniversario de 98 anyos de muerte.
El era el orgulyo de los Judios Hareidim en Budapest. Ijo i Talmid del Rav Yecheskiel Reich ke era el Rav de Benovitz ke tambien se avia ambezado en Pressburg i siendo konsiderado komo el primer disipulo de Ksav Sofer.
Kuando Yaakov tenia 22 anyos fue apuntado komo el «Rav de Sobotiste» i 12 anyos despues se fue a Werbau tomando la pozision de su avuelo «Harav Yaakov Altenkunstadt» kon l nombre «Reb Kopel Charif.» El mas viejo Reb Kopel siendo el Talmid de «Noda Bi’Yehuda». Yaakov servio en la Komunidad de Werbau por 27 anyos i en 1889 fue apuntado komo el Rav Hareidi de la Komunidad de Budapest. La komunidad en kresimiento estava en frente de una batalya kontra el Movimiento Reformisto i en las aldeas i sivdades chikas los Judios biviendo ayi estavan en kontra de las sivdades grandes ande los Judios se mesklavan mas kon los ke no eran Judios, expozados a ideas modernas. Era una amenaza grande para los Judios de la Tora.
Ansi tenian menester de un profesor fuerte en la Tora i las tradisiones de «Chasam Sofer.» Harav Yaakov Kopel servio komo el Lider de la Komunidad Judia Hungara por 70 anyos. Un kuarto de un million bivian en Budapest. Dirijo tambien el sektor kon sukseso en la kapasidad de un ofisial del governo en el palasio del rey. Era bien edukado i konosia los sujetos sekulares. Era un buen speaker.i el Imperador «Franz Josef» le dio el titulo de «Konsejero Real» siendo elejido en la Kaza Alta del Parlamento.representando a los Judios Ortodoxes.
Malgrado todos los onores, era un ombre umilde de paz i amor tratando a todos kon respekto. El de antes «Harav Chaim Sofer» ke defendia los ideales de la Tora, era uno ke no komprometia i Rav Yaakov Kopel emulo las maneras de «Aharon Hakohen» i trusho paz entre todas las faksiones de Budapest. Era respektado por los Judios de Hungria-Austria. Era famozo por sus Brachot en kada 7 Adar en la sinagoga prinsipal de «Kazinezy Street» aziendo eulojia a los muertos del anyo pasado. Yorava siempre en la Drascha. Kada anyo la Hevra Kadisha le pagava 3 piesas de oro. 2 anios antes de su muerte siendo muy flako, izo la Drasha. Su konsejo era «El silensio es oro». Ay 2 maneras de asistir al prove para ki biva kon ti i no despues de su muerte». La Gemara mos ensenya ke la Tora es «Gemilut Chessed».
Komo el Dio le dio ropas a Adam i Hava i komo Hashem enterro a Moshe. El konsepto aki es ke devemos ayudar a los proves a traves todas sus vidas, aparte de kuidarlos despues de sus muertes. Mismo si la Hevra Kadisha es por los muertos deve tomar su busines para asistir a los proves, kuando estan en vida.
[ Tuve la okazion de viajar a Budapest i la Sinagoga de Kazinezy Street estava a 2 pasos de mi pension. Siendo leshos del sentro tuve difikultades a ver los puntos de interes]
Fuente: Ladinokomunita
