La boz de Yehuda: Ofisios – un muevo livro en judeoespanyol por Yehuda Hatsvi

Ver todos los artículos de esta sección

Ofisios – un muevo livro en djudeo-espanyol

Yehuda Hatsvi

En estos dias salio a luz un livro muevo en djudeo-espanyol, apoyado por la Autoridad Nasionala del Ladino i su Kultura en Israel.

El livro, yamado “Ofisios”, es el dodjen livro del autor Asher Amado, enjiniero, nasido en Israel, ijo de una famiya sefaradita, orijinaria de Edirne (Turkiya).

Asher Amado deskrive en su livro varyos ofisios ke eran en el pasado una parte integral de la vida kotidyana, komo el saka (aguador), el lechero, el gazedji, el buzadji, el aguzador de kuchiyos, el vendedor de malebi, el panadero, i mas.

De la otra parte, ofisios aktuales komo el vendedor de telefones selulares, aktivador de “drones”, enjinier elektroniko, teknisien de telefones selulares, aktivador de grua, etc.

El livro “Ofisios», eskrito por Asher Amado, es un lavor orijinal, kontemporaneo; una kreasion de eksperiensia, kon una “aroma” del pasado i del prezente.

En este livro se topan, deskripsiones de ofisios desde la ekspulsion de los judios de Espania i Portugal en 1492 asta la aktualidad.

Segun dize Asher Amado, “El livro es una halka mas en una kadena de larga data, ke su buto es salvaguadrar la erensia kultural del ladino; una lucha ke mos akompanya fidelmente mas de 500 anyos, i es una fuente de inspirasion para la kreatividad de las profesiones del futuro”.

Aki en basho (en ebreo i en ingles), toparesh detalios sovre el presio del livro, i tambien los adresos del autor.

Yehuda Hatsvi
Israel

Fuente: Ladinokomunita

En esta seksion, muestro kerido amigo Yehuda Hatsvi un estudiozo de la tradision, del penamiento djudio i de la Ley, va a partajar kon todos mozotros sovre variados temas desde su punto de vista djudio i sefaradí. Yehuda es aresivido en Ekonomia de la Universita de Tel Aviv, puvliko un libro de istorias folklorikas sefaradíes para ninyos, sus artikolos i konsejas aparesen en munchas puvlikasiones komo por eksemplo Aki Yerushalayim i El Amaneser, i es uno de los moderadores de Ladinokomunita.