eSefarad Noticias del Mundo Sefaradi
Keres ser profesor de djudeo-espanyol?
Ambezate komo ambezar la lingua i la kultura djudeo-espanyola.
Kurso en linya, desvelopado i organizado por el Instituto Cervantes de Tel-Aviv (adaptado de sus programes de formasion para profesores i futuros profesores de espanyol kastilyano).
Empesa en el 15.6.2025. 10 enkontros de 3 oras por Zoom, 17:00-20:00 (oras de Israel).
Informasión jenerala:
El Instituto Cervantes de Tel Aviv tiene programas de formasión prezensiales (en klasa) i en línea (vía zoom) para profesores i futuros profesores de espanyol kastilyano komo sigunda lingua. Agora el Instituto Cervantes de Tel Aviv adaptó este mizmo formato para futuros profesores de djudeo-espanyol en akordo al Kuadro Komún Evropeo de Referensya (KKER o CEFR en ingléz).
Ken puede partisipar en el program?
Djudeo-espanyol komo lingua materna o nivel alto sertifikado (ekivalente al C1 del KKER o CEFR)
Títolo akadémiko universitario rekonosido (mínimo BA)
Tendrán preferensya kandidatos kon:
- Formasión pedagójika i/o edukativa.
- Eksperyensa en edukasión formala i no formala para el ambezamiento de linguas.
*Los kandidatos kualifikados aresivirán repuesta i serán invitados a un interviú kon la koordinadera del kurso.
Detalyos del kurso:
- Datas del kurso: 15.6.2025 – 17.8.2025. 17.00-20.00 ora de Israel.
- Kurso de 30 oras en zoom + 6 oras de observasiones i lisiones práktikas
- 10 enkontros semanales de 3 oras.
- Eskritura de 3 reportes fin al kavo del kurso
- Presio del kurso: 1200 shekalim israelianos. 15% diskonto fin el 1 de djunio.
- Ultimo dia de inskripsión: 8 de djunio
Informasion i rejistramiento:
actel@cervantes.es / +972-(0)3-5279992
Mas informasio aki: https://forms.gle/
