Kopla de Hanuka de Ribi Shelomo Ben Yaakov Hakoen

Vos invitamos a konoser esta kopla de Hanuka, ke fue eskrita por Ribi Shelomo Ben Yaakov Hakoen, i ke fue publikada en el livro Heshek Shelomo (Yerushalayim, 1893) i en (Aki Yerushalayim No. 15). La melodia es la mezma del piyut «Yigdal Eloim Hay»

Kopla de Hanuka

Shir por los milagros i maraviyas
Ke akontesieron en akeyos dias
Ke los rekonten kon alegria
Ke los rekonten kon alegria

Los devemos de mentar las barraganias
Izieron a las djuderias
I salieron a alforias
I salieron a alforias

Matatyau el Koen Gadol
Se enfeuzio en a-El a-Gadol
A Bagris a-sar a-gadol
Lo mataron bekoah gadol
Lo mataron bekoah gadol
El rey Antiohos kijo baldar
Shabat Rosh Hodesh abandonar
El Brit Mila no guadrar
Non lo kijieron eskuchar
Non lo kijieron eskuchar

Kavod grande alkansaron
Los Hashmonaim enreynaron
En Erets Yisrael se empatronaron
Porke la Ley eyos guadraron
Porke la Ley eyos guadraron.

I a la almenara ensendieron
Kon azeyte limpia ke toparon
Ke de la muerte eskaparon
Alegria muncha eyos alkansaron
Alegria muncha eyos alkansaron

Ner Hanuka mos asetiguaron
El 25 Kislev mos ovligaron
Dizir el ‘Halel mos endevdaron
Ocho dias mos odrenaron
Ocho dias mos odrenaron

Hesed de El Dio konoseremos
Zikaron mos akodraremos
Kon eyos mos rihmiremos
El Bet ‘Hamikdash lo fraguaremos
El Bet ‘Hamikdash lo fraguaremos

Fuente: Autoridad del Ladino i su Kultura