KOMBINAR LA FESTIVIDAD KON LA MEMORIA trezladado por Simon Geron

Keridos amigos i amigas

En el Jewish News de esta semana el Rabino Daniel Rabin avla de unos rekuerdos presiozos en las vidas de los Judios ke nunka se olvidan.

Pesah es un dezfio ke empesa kuando se alimpia la kaza en preparasión por el Seder. Ay una lista grande de kozas a azer.Si se mira a esto de un otro angulo es la difikultad emosional ke es duro para munchos.El otro dia estava avlando kon uno ke se akodra komo su padre kantava Had Gadya de manera buena i era algo espesial para el. Kada anyo desde la muerte de su padre,sentia un vazío al adientro.Munchos entre mozotros tenemos tradisiones de famiya de Pesah.Para unos es Matzso Balls/Koftes de Matsa echas por la madre o la avuela.Para otros puede ser el rekuerdo de las madres o los padres metiendolos en la kama, al durmirse durante el Seder.Sea lo ke sea,estas kozas mos vienen al tino al akodrar de muestros keridos ke no estan ayi mas.La  orasión de YIZKOR en sete dia de Pesah trata de esto.

Saludes a todos

——————————————————————————-

KOMBINAR LA FESTIVIDAD KON LA MEMORIA

Vos yevo a la kama de la muerte de Yosef ke demando de sus ijos ke prometen ke los guesos de Yosef seran enterrados en la Tierra Santa. Al salir de Ejipto, tenia miedo ke komo un lider no desharían los Ejipsianos ke lo yeven al estranjero. Esto se va a la Tora i en el séptimo dia de Pesah, kuando los djudios partían de Ejipto, Moshe estava mas preokupado a rekuperar los guesos de Yosef.

Esto mos amostra la importansia de Yisrael kon el aspekto de la tierra. Una koza mas profunda se pasa aki. Kisas Yosef via lo ke se iva pasar despues de su muerte. Dolor, sufrimirnto i tristeza. Esklavedad en Mitsrayim. Kijo bushkar un kamino adelantre, despues de la dolor i sufrimiento. Por esta razón disho ke yeven a sus guesos a la Tierra Santa.

Yosef simboliza una fuersa al mantener las tradisiones de su padre, mizmo en Ejipto, al no estar ayi mas fizikamente. Se puedia yevar su esensia kon eyos i kontinuar la tradisión de sus padres en kantando sus kansiones. Kada uno de mozotros al kedarmos por el servisio de YIZKOR en la sinagoga refletamos la memoria de Yosef. Pensamos a los ke partieran ke estan kon mozotros fizikamente i mos akodramos de sus dolores i pensamos a pasar el mesaje de Yosef. Se yeva la esensia de los ke se murieron, i ke viajan kon mozotros espiritualmente. De esta manera se entra en la Tierra Prometida i Santa. Se entra en un sfero muevo kreando un kamino muevo adelantre i se asegura ke un dia kuando viene nuestro tiempo de murir la esensia kontinuara kon los ke vienen despues. Muestra kantiga kontinuara a ser kantada en las jenerasiones ke vienen.

Trezladado por Shimon Geron.
Sydney, Australia

Fuente: Ladinokomunita