eSefarad Noticias del Mundo Sefaradi
Keridos amigos amigas.
En el Jewish News de esta semana «Amy Spiror» presento un artikolo tratando de Eurovision de 2026. Israel va entrar en este kontesto despues del voto ke fue echo en EBU kon miembros adoptando una seria de reformas en lugar de forsar un referendum sovre si se puede echar afuera a Israel en medio de la gerra kontra Hamas en Gaza.
Respondiendo a la desizion de «Broadcasters Publicos» en Espanya, Beljika, Irlanda i Slovenia, anunsiaron ke kontinuaran kon sus amenazas de kitar sus kompetisiones en protesta. El voto i la desizion ensima de un meeting dramatiko en Geneva ande los miembros argumentan por o kontra la partisipasion de Israel i las ramifikasiones de la desizion, a la fin fue dicho ke la mayoria de los miembros eran satisfechos kon el paketo de reformas. No era nesesario tener otros votos si Israel puedia partisipar. Esto sinyifika ke todos los miembros de EBU ke keren partisipar i ke kumplen las reglas de elijibilidad podran tomar parte. Segun los reportes Alemanya i Ukraina ofresen sus soporte publiko kuando los de Beljika, Slovenia, Espanya i Turkia no entran en kompetision yamando ke Israel sea echada afuera.
El voto final era 738 en favor de reformas i 264 en kontra. Tuvieron 120 abstensiones. [Kada pais resive 24 votos] ke kere decir ke 11 paises votaron por la partisipasion de Israel. Israel fue representado por el Director Kan Golan Yochpaz i el Avokato Ayala Mizrachi diziendo ke el Boykot Kultural de Israel era indefensible i «Slippery Slope». El tentativo de kitar a Kan del kontesto ke se entiende solamente komo un «Boykot Kultural».
Yochpaz demando si los miembros de EBU kerian tomar el paso ke azeria danyo a la Libertad de Kreasion i de Expesion? Un numero de paises estavan inyervados de ver ke Israel avia reushido bueno en los votos de 2024 i 2025, akuzando «Voter Fraud» en «Tele Vote». EBU lo refuzo i trusho una seria de reformas el mes pasado. Basho estas reformas votos por persona seran 10 en lugar de 20 i el EBU deskorajara a los governos de azer kampanyas publikas por los semi-finales. El Presidente «Isaac Herzog» ke tomo parte en el esforso de asegurar a Israel su partisipasion selebro esta desizion. Disho ke esperava ke «la kompetision kedaria una de kampiones kultural, musika i amistad entre nasiones». Remersio a los ke se metieron del lado de Israel. Esta desizion demonstra solidaridad i kooperasion i re-enforsa el espirituo de afinidad entre nasiones a traves kultura i musika. [La postura de Espanya i Turkia kontra Israel me alarma. Pensar ke tenemos una afinidad i kultura a estos 2 paises ke se presentan oy komo el diablo ke viene a kitar la alma de Israel. Nasi en un tiempo kuando matavan a los Judios en miliones. Despues de 80 anyos del Olokosto el mundo kontinua a persegir i martirizar a Israel i a los Judios]
Fuente: Ladinokomunita
