Grupo en Facebook, "Haketía Entre Mozotros"

Amantes queridos de la Haketía:

Me enhubiloy (alegro) anuciar el foro/grupo en Facebook, «Haketía Entre Mozotros», el lugar dedicado a la haketía: el judeoespañol, o sea , el Ladino de Marruecos. Ahí moz apañaremos pa haderar (hablar) y ambezar (aprender) haketía, pa demandar y segundar (preguntar y responder), topar (encontrar) uno a otro, y colocar muestros penserios (pensamientos) sobre lo que el ojo ve, la mente jammea (piensa), y el corasson siente.
Vuestra ayuda y sabiduría es emportante, Alicia

Y por si no vos llego lo siguiente, halaquilo:

«Me ajuntoy a este vaivén de penserios, con la asperanza que la harina está todavía en este costal… Halaquí lo que jammeoy: tus palabras, Solly, salen de un corazón herido y apasionado, y estoy de acuerdo con tu protesta. A ma, yo veoy 2 figuranzas del tema:

1. Hay una divizión kefseada entre mozotros, losjudiós marroquíes. Esta divizión mos haze daño! En ninguna comunidad judía no se topa divizión como encade mozotros. A weddí a queridos todos, somos hermanos: las mizmas ‘adas, mizma cozzina, mizmos nombres, mizmos apellidos,,,.Sí que hay variedad y desferencias, ma ese nivel de variedad y desferencias se topa en todas las otras comunidades. Por ejemplo, hay una desferencia del ‘adau entre un judió polaco de, diremos Varsovia, y un judió polaco de un pueblecito mesjeado. Ma ellos son unidos! Ayudan uno al otro, anque unos hablan el idioma polaco y otros ni saben una palabra del idioma y hablan solo el yiddish!
2. A weddí a mis queridos, porque mos quedamos ehshumeados en el rincón? Ya somos grandezitos, berajja de Dio como crecimos, ya llego la hora horada que salgamos del rincón, esperando invitaciones. En muestra mano es: somos dueños de lo muestro! Mozotros podemos organizar muestras hajas e invitar a otros. Tenemos una riquezza endiamantada en muestras manos, es la hoba a muestros antepasados de dar la a conocer en todo el ‘olam. Y yo jammeoy, que lo primero que debemos hazer es ‘adlear el asunto del tema «Ladino»! El Ladino es tamién muestro! Hay que reclamarlo!

Con bien estemos, Alicia Sisso Raz»