eSefarad Noticias del Mundo Sefaradi
En los medyanos (Hol haMoed) de Sukot, 4-10 de Oktobre 2009, va tomar lugar en el Teatro de la sivdad Giv’atayim, el Festival de «Kontadores de Kuentos».
En el kuadro de este Festival, a la tadre del dia de Alhad (4 de Oktobre)
van a kontar kuentezikos de la kultura sefaradi (aun ke solamente en ebreo).
El moderador de esta tadrada va ser Kobi Zarco, i los kOntadores de kuentos
ke van a partisipar son Matilda Kohen Sarano, Dr. Eliezer Papo, Reuven Vimer, Margalit Matityahu, Asher Amado i Yehuda Hatsvi.
La kantadera Hani Nahmias va kantar, i tambien va apareser la bailadera Yifat Aharoni kon bailes de Flamenco.
Mas informasiones i todos los detalyos van aparesr en la vispera de Rosh haShana en un suplemento espesial del jurnal ebreo Yediot Aharonot.
Por bilyetos ay de telefonar a 03-5616124 u 03-5730661.
