eSefarad Noticias del Mundo Sefaradi
18.09.2026
Avia de ser un esklavo yamado Androkles ke fue tan maltratado por su patron ke ya no puedia soportarlo mas.
Una noche, se fuyó a la shara.
Dospues de sorretear por munchos dias, kansado i ambierto, topó una kaverna i se metyó arientro para arepozarse.
Apenas se avia aresentado kuando un grande leon entró en la kaverna.
Androkles estava titireando del espanto, ama el león no se echó sovre el.
Al lugar de esto, la bestya kosheó adelantre, djemiendo, i estendyó su penche.
Androkles vido ke una grande espina estava klavada muy arientro de la penche auflada.
Tomando koraje, tomó la penche avagariko i travó la espina fina ke salyó.
El leon lambió la mano kon agradesimiento, i de akel dia adelantre, trusho komida a Androkles i partajó su kaverna kon el komo un amigo.
Ama un dia, los askeres toparon a Androkles i lo arrastaron de muevo a su patrón, ken lo kondenó a ser echado a las bestyas salvajes en la arena.
En el dia eskojido, soltaron de su kafés un león feroz ke se lansó a korrer verso Androkles. La djentoria detuvo su respirasyon.
Ama en vez de despedasarlo, el león se detuvo, lo golyó, i dospues fregó su grande kavesa kontra las pachas del esklavo, ronroneando komo un gato de kaza.
Era el mizmo león al ke Androkles le avia kurado la penché.
Roger Brewer, Portland, Oregon, Estados Unidos
