Estamos Whatsapeando kon Albert Israel: «Kualo es esto?» 2 (kon boz)

Meldar todos los artikolos de esta seksion >>

«Kualo es esto » 2

Makina de Travar fotos

Esto es makina de travar fotografias. El fotografchi enkashava la kavesa aryentro de un sako preto i travava las fotos.

זוהי מכונת צילום תמונות (מצלמה). הצלם היה מכניס את ראשו לתוך שק שחור ומצלם את התמונות.

Fraza del dia: El ken no oye a su mujerika se trava su orejika.

.מי שלא שומע לאישתו מושך את אוזנו
:הסבר

המשמעות של משיכת האוזן היא חרטה

WSP 08.08.2019

———————————-

Tombas en estambol

 

Esto es una de miles de lajas ke ay en los semeteryos djudyos de Estanbol, eskritas en ladino i kon rimas.–—x

Fraza del dia: Eskrito esta en la palma lo ke tyene de yevar la alma.

 

WSP 21.04.2021

———————————-

Karne

 

Esto es un reklam/publisidad de antes 70 anyos en el kual Jak i Izak moz estan avizando ke estan avriendo fabrika de karnes yeladas.—__

Fraza del dia: Ya me kemates la karne!!

 

WSP 22.04.2021

———————————-

Kualo esta vistyendo la nona?
Prostela

 

La nona esta vistyendo prostela. Para ke los inyetos se eskondan debasho de eya.

Fraza del dia: Del Dyo i del vizino no se puede eskonder.

WSP 21.06.2021

———————————-

Kanyamazo

 

Esto es kanyamazo/handrajo/trapo para alimpyar la suzyedad i tomar el polvo.

Fraza del dia: Estos polvos trayen estos lodos.

_x

WSP 22.06.2021

———————————-

Mavlachas

 

Estas son las mavlachas ke komiamoz en purim. Solo por eyas asperavamoz ke venga la fiesta.–—x

Fraza del dia: En pesah lo aharvaron en purim yoro.

WSP 24.06.2021

———————————-

Biblia

 

Esto es la biblia eskrita en djudeo-espanyol kon letras de Rash»i i printado en el anyo 1873 en Kostantinople. En el prinsipyo (empesijo) kriyo el Dyo los syelos i las tyerras…—__

Fraza del dia: Eskrito esta en la palma lo ke tyene de yevar la alma.

 

WSP 28.06.2021

———————————-

Portmone

Portmone:
Esto es djuzdaniko/portmone para meter minudos. Es chiko i pratik.

Fraza del dia: Ijikos chikos ansyas chikas, ijos grandes ansyas grandes.

WSP 30.06.2021

———————————-

Portmone 2

Portmone:
Esto es el portmone de ombres ke empleyava mi padre, para minudos.

Fraza del dia: El ombre da paredes i tavan, la mujer da el nido.

WSP 04.07.2021

———————————-

Albert Israel, Yerushalayim
Shefe del sirkolo de konservar i promover la kultura sefaradi