Estamos Whatsapeando kon Albert Israel: «Akel tyempo…» 1 (kon boz)

Meldar todos los artikolos de esta seksion >>

«Akel tyempo…» 1

Lavar

Akel tyempo no aviya ni dush ni banyo. La nona moz lavava en el legen.

Fraza del dia: Una mano lava la otra. Las dos lavan la kara.

WSP 11.07.2021

———————————-

Hamam
חמם

Kuando moz engrandesimoz moz ivamoz al hamam i el kesedji moz kitava makarones de suzyedad…

Fraza del dia: Kamiza suzya se lava en kaza.

WSP 12.07.2021

———————————-

Estirar

Para alimpyar la espalda traiyan los legenes i moz estiravan enriva del «gobek tashi.»

Fraza del dia: Kada uno estira los pyezes asigun la largor de su kuvyerta.

WSP 13.07.2021

———————————-

Puerpo

En syertos kantones del hamam, en luguar de legen aviya kurna (lavabo) de marmol i tas (chanaka) para vazyar las aguas al puerpo.

Fraza del dia: Poko avlar, salud por el puerpo.

WSP 14.07.2021

———————————-

Boz

La sinfonya la mas konosida en los hamames era las bozes de las galechas kon tasma (banda) de kosele (kuero duro).
Taka, tuka, taka, tuka…

Fraza del dia: Boz del puevlo, boz del syelo.

WSP 18.07.2021

———————————-

Meldar todos los artikolos de esta seksion >>