eSefarad Noticias del Mundo Sefaradi
Ver todos los artículos de esta sección >>
_________________________________________________________
Ken eskrivyo la tefila por el Estado de Israel?
No se si en Turkia o en otros paizes se resita esta tefila por la pas del estado de Israel. Vos dire lo djusto, yo la enkontri solo aki en los Estados Unidos.
Es una orasion kurta ke se melda kada Shabat, en todas las sinagogas ke yo tengo asistido, en kada sivdad ande bivi. I lo mas de la djente la saven «de kavesa» (memorizada) en inglez i en ebreo. Yo nunka pensi a demandar ken la eskrivyo, porke komo munchas orasiones,, yo pensava ke es algun rabino anonimo.
Es agora solo ke meldi un artikolo en «Times of Israel» sovre esto. Asegun mos dize, es ke asta agora no se savia si era el granrabino ashkenazi Herzog o el eskritor S.Y. Agnon ke lo eskrivyo en 1948. Agora los dokumentos mostran ke lo eskrivyo Herzog, i se lo mando a su amigo Agnon para ke lo redakte un poko.
Meldar artikolo del Times of Israel (en Inglez)>>
En el artikolo estan las fotos de las letras entre los dos amigos sovre esto, ansi ke el teksto en ebreo. (Los ke biven en la Amerika – Estados Unidos – saven el teksto en inglez tambien.)
——————————————————-
Rachel Amado Bortnick
Dallas, Texas
Ladinokomunita
______________________________________________________________
En esta seksion “En vista de Rachel”, Rachel Amado Bortnick, fundadora de Ladinokomunita, un foro en Internet para korrespondensia solo en djudeo-espanyol, va a partajar kon mozotros sus komentarios sovre distintos butos.
