eSefarad Noticias del Mundo Sefaradi
Ver todos los artículos de esta sección >>
_________________________________________________________
Heksagonos i la tradision sefaradi relijioza
Komo ya lo tengo dicho munchas vezes, en Izmir las mujeres no tomimos dinguna edukasion relijioza. (Kreygo ke i mezmo los ijikos/ombres no estudiaron los eskritos filozofikos de los grandes hahamim de muestra istoria.) Agora kuando meldo algun teksto enteresante de eyos, me maraviyo de la ermozura ke eskriviyan, i sovretodo los metaforos ke inventavan para eksplikar algun presepto de moral o de filozofia.
A la okazion de Hanuka mos yego del American Sephardi Federation un kurto eskrito sovre un teksto en kuatro partidas (Sefer Haikarim– Livro de Raises) del Rabino Yosef Albo (1380-1444) de Espanya. Aki da a entender, entre otros, deke no devemos ser ekstremistos o elitistos en la praktika de muestra relijion. I para ilustrarlo uza el metaforo del nido, o rayones de miel (honeycombs) ke azen los avijones (bizbas, bees en ingles.) Deke lo azen en forma de heksagonos, i no en forma de sirkulos (circles) o kuadrados (squares)?——————————————————-
Rachel Amado Bortnick
Dallas, Texas
Ladinokomunita
______________________________________________________________
En esta seksion “En vista de Rachel”, Rachel Amado Bortnick, fundadora de Ladinokomunita, un foro en Internet para korrespondensia solo en djudeo-espanyol, va a partajar kon mozotros sus komentarios sovre distintos butos.
