eSefarad Noticias del Mundo Sefaradi
En esta seksion “En vista de Rachel”, Rachel Amado Bortnick, fundadora de Ladinokomunita, un foro en Internet para korrespondensia solo en djudeo-espanyol, va a partajar kon mozotros kada mes sus komentarios sovre distintos butos.
Espanya i los Sefaradim – en mi vista
En pasadas en el foro de Ladinokomunita uvo diskusiones sovre el antisemitismo en Espanya. Empesaron komo reaksion a una fraza mia en uno de los artikolos en El Amaneser (suplemento mensual en ladino del semanal Shalom en Estambol) sovre la vijita del grupo de LK en Espanya en Oktubre de 2010.
Referiendome a la bienvenida ofisial ke resivimos en Sevilla, yo komenti:
“Me parese ke no era lugar de ser sinikos, i dizir ke estos biervos no eran nada mas ke un esforso de enkorajar turizmo djudio a la sivdad, ke no kontenian nada de remorso o ni de ofreser nada de rekompensa por las destruksiones de bienes i almas.” (Publikado en El Amaneser, Febrero, 2011.)
Munchos miembros eskrivieron por el aborresimiento profundo ke egziste kontra djudios en este pais, kuando una amiga ke bive ayi eskrivyo ke no es nada diferente ke en otros paizes.
Esto me izo pensar en la evolusion de mis sentimientos en verso Espanya, ke vo tratar de deskrivir aki.
Para mi en Izmir, ande nasi i bivi asta 1958, la Espanya no era nada mas ke un pais ekstranjero – komo Fransia, Italia, o Amerika. Avlavamos espanyol porke sienes de anyos antes muestros antepasados avian venido de Espanya, arondjados de ayi por no kerersen azer katolikos. Esto ya lo saviamos todos, ma no tenia emportansia en muestra vida, ke se dirijia por muestro djudaismo. Mezmo muestra lingua era jeneralmente yamada “djudio”, i en turko Yahudice (lengua djudia.) Komo Espanya, despues ke mos arondjo, no kijo mas saver de mozotros, ni mozotros no kijimos saver de eya!
Aun kon esto, una de mis tias bivia en Barcelona, siendo kazada kon un Izmirli ke tenia negosio ayi. Kuando yo tenia 14 anyos eya vino a Izmir kon su ija, mi prima, Julia, ke la yamavan “Hulia!” (ansi me ambezi ke en espanyol de Espanya la J se pronunsa H!) En 1958, kuando sali de Izmir para vinir a estudiar en la Amerika, en kamino me kedi en Barcelona por unos kuantos dias ande mi tia. En la sivdad no me senti repozada. No solo ke no entendia todo lo ke dizian, no me agrado ke la sinagoga paresia ser «eskondida», sin dingun sinyo afuera. Ande estava la grandioza i elegante kehila Bet Israel de Izmir, situada en la kaye prinsipal? Me yevaron a kaminar bastante, ma yo solo sentiya despasensia para irme de este pais estranjero!
En la Amerika me topi en un pais ainda mas ajeno! I demas, aki dingunos savian lo ke es un djudio sefaradi. Mezmo los djudios no se kreian ke yo – no konosiendo Yiddish, ni nada de las komidas o uzos ashkenazis – podia ser djudia! Para poder dar entender ken so yo, i para poder dar a entender ken somos los sefaradis, me meti a estudiar muestra istoria. Kuando mas me embezi, mas entendi la razon deke los muestros en Izmir no sentian dingun atamiento a Espanya. Para kualo akodrar lo negro? No puedes avlar de los mil anyos (o mas) de djudios en Espanya, o de los savyos i poetas i filozofos djudios, sin akodrarte de las mizerias, endjustisias, persekusiones, umiliasiones, i sufriensas . Ni kuando eramos siervos en Ayifto no sufriyimos ansina! Kon la istoria de la servitud en Ayifto (Ejipto), la Tora mos ensenya piadad i mizekordia, i milagros del Dio para traermos a libertad. Ma lo negro ke pasimos en Espanya no mos da dinguna lision. Mijor es dar “loores al Dio” por ande estamos. “Ande estamos, bendigamos,” i “El Dio ke no mos kite el repozo” eran dichas ke se uzavan muncho.
Para mi, saver la istoria sefaradi me kito la gana de ir a Espanya otra vez. Me akodro una koza en partikular ke me avia venido muy afuerte: ke dainda ensenyan a los chikos la gran mentira del “Santo Ninyo de La Guardia”, una kolumnia de sangre anti-djudia.
Ma, kuando en 2007 Mario Saban de Barcelona me izo saver de su organizasion Tarbut Sefarad pensi ke lo mijor es darmos a konoser en Espanya. Demanera ke kuando el me invito a dar konferensias en varias sivdades sovre la istoria i kultura sefaradi, yo aksepti kon entuziasmo.
Los reprezentantes de Tarbut Sefarad en varias sivdades son non-djudios ke tienen grande sempatia por el djudaismo. Angel, en Lleida, me disho ke komo katoliko, el tiene grande verguensa de lo negro ke izo la iglesia a los djudios. Francesc, en Besalu, me disho ke los espanyoles keren restos de djudios, ma no keren a djudios de “carne y ueso.” La audiensa en mis konferensias paresia kurioza de konoser una sefaradia “de carne y ueso”, komo ke sali de las pajinas de livros de istoria. Se maraviavan de sintir mi lingua! Uvo ken me disho algo kontra djudios, ma en jeneral se mostraron muy amavles.
Siguro siempre es triste ver lugares vaziados de djudios, kales i semiterios desakrados. Ma yo esto de akordo kon estas palavras ke eskrivio en Ladinokomunita Rita Cesana, djudia ke nasyo i bive en Barcelona:
“Tenemos una istoria ke devemos konoser i mos deve servir para ambezar de eya para el futuro, [ma] yo no tengo menester de ke esten demandando pardon a kada momento, a los ke mataron malorozamente no van atornar …”
Rachel Amado Bortnick
Querida amiga Racheel: He leido tu articulo en eSefarad y me he quedado un poco decepcionado.
En España, no se enseña en las escuelas la historia del Niño de la Guardia, ya que la misma Iglesia dice no estar demostradas ninguna de las circunstancias que concurren en la triste historia. ¿Que pueda haber algún insensato que lo haga? No lo se, pero si lo hubiera ¿como se evita?
A la gente normal, hoy, no se le ocurre pensar en ninguna de aquella patrañas y menos en divulgarlas o mantenerlas.
Tú me conociste, nos conocimos en tu visita al Toboso y allí fuiste tratada con respeto, deferencia, admiración y cariño por parte de todos los asistentes.Ese es el espíritu de los españoles actuales, sobre todo de los españoles cultos, respecto a los judios.
En la edad media en España, mal convivian tres culturas; digo mal convivian, porque se llevaban mal. Eran origen de numerosos conflictos.
Lo moriscos, restos de los musulmanes que quedaron en España despues de su expulsión tras 800 años de dominación, los judios y los cristianos. Los cristianos eran, digamos, los dueños del solar.
Los moriscos que dieron guerra en cantidad, llegando a sublevarse en contra de sus anfitriones y pasando a cuchillo a miles de ellos en Las Alpujarras,fueron redistribuidos, antes de su expulsión, por el resto de España dejando en cada ciudad pequeñas cantidades. Estos fueron los artesanos que ejercieron y practicaron toda clase de trabajos manuales, que a los nobles españoles, que lo eran casi todos, les estaban prohibidos por la leyes, ya que suponían menoscabo y desprecio para la nobleza y que si ejercian dichos trabajos u oficios perdían la condición de tal nobleza.
Los judios en cambio, a los que la historia acusa de haber facilitado el paso del Extrecho de Gibraltar a los musulmanes para la invasión de España, y de eso nunca se habla, no provocaron nunca problemas de esta índole y, aunque se aislaron como han hecho en toda Europa en guetos, ejercieron con libertad todo tipo de profesiones liberales y administrativas.
Casi todos los reyes cristianos dispusieron de muy buenos administradores judios e incluso de primeros ministros, médicos y gentes muy influyentes en los reinos cristianos.
Posiblemente ese auto-asilamiento junto a las envidias, siempre imprevisibles e incontrolables tuvieran gran parte de culpa de la persecución a que fueran sometidos los judios.
¿Que la expulsión fue una injusticia y un error? ¿Quién lo duda a estas alturas? Pero sometamos el asunto al juicio de la historia retrotrayendonos a los tiempos en que ocurrió, adaptemos nuestro pensamiento al de la época y quizás encontremo la explicación.
Lo que es un poco pueril es creer a estas alturas que aquí se enseña la historia del citado Niño de la Guardia (por cierto pueblo muy próximo a El Toboso) o que las viejas enseñan a los niños cristianos que a Jesús lo escupieron y mataron los los judios. Razón por la que so malos.
Hoy el español culto admira al pueblo judio porque, al menos para mi es una raza privilegiada, y sabe que puede contar con él para la salida del mundo hacia adelante. Otra cosa es la izquierda cerril que nos domina y que normalmente se identifica con palestinos, hamas y demás gente…
Presumo de tener bastantes amigos judios y me siento honrado con ello, sería mi deseo que ellos tambien se sintieran honrados con mi amistad..
Un abrazo cariñoso.
Ricardo
Muy estimado amigo Ricardo.
(Ya saves ke te eskrivo en judeoespanyol!)
Siempre es plazer resivir tus emails.
Ya me imajini ke iva aver reaksiones a mi eskrito.
En primero te dire ke siempre me akodro de la resepsion kaloroza en El Toboso, i de kada una de las personas, todas amavles, ke konosi ayi. I en verdad, en toda la Espanya ande estuve en 2008 fui resivida kon amistad. Kuriozamente el uniko komentario anti-judio (en las preguntaske me kedo en mi memoria era de una persona en la audiensa en El Toboso, en reaksion a una koza ke avia dicho, i me siento kulpoza ke no ekspliki sufisientemente el tema (de las razones ke los sefaradies avian emigrado del imperio otomano a las Amerikas i Evropa.)
Por la kestion del Santo Ninyo de La Guardia: avlava de los anyos 1970s. Tengo dainda una kopya del libriko ke se uzava para ensenyar esto, al kual aviamos organizado una kampanya de protesto, i eramos asegurados ke mas ya no se iva uzar. Aun kon esto, komo munchas leyendas, i esta leyenda es difisil a eradikar.
Estamos agora en medio de las fiestas de Pesah, ke en el ladino de Izmir se yamava «la paskua» – lo ke amostra ke las dos fiestas son orijinalmete las mizmas.
Te asiguro ke mis sentimientos son de amistad por kada persona espanyola ke yo konosi personalmente inkluzo, siguro, tu i todos en La Mancha!
Abrasos,
Rachel
Magnifico relato, el que aqui nos ofrece Rachel Amado, fiel reflejo del sentir de mucho sefaradies respecto a la «madrásta» que para ellos fue entonces España, y que ahora es preciso reconducir, en pos de un reencuentro de ésta última con sus «hijos» judios, dispérsos por el vásto mundo, pero fieles aún a una léngua y un sentir …