eSefarad Noticias del Mundo Sefaradi
Ver todos los artículos de esta sección >>
_________________________________________________________
Avner de Burgos
Saviash ken es Avner de Burgos?
Si su nombre paso en un livro de istoria de Sefarad, yo no me akodrava ken era, asta ke sinti esta noche un «podcast» muy enteresante sovre del departamento de Estudios Judaikos en la Universidad de Michigan.
El profesor Ryan Szpeich mos da a entender ke esta persona era un djudio ke se sonyo ke Jezukristo era el mashiah verdadero i kijo ke todos los djudios se konvertan al Kristianismo. Entre 20-30 anyos ANTES de las matansinas i las konversiones forsadas de 1391, el kijo konvenser a los djudios kon sus eskritos EN EBREO (i despues el mezmo los traduizia al kastiliano!) Asta akel tiempo los kristianos antisemitos eskrivian esto en latin, ma dingunos lo meldavan. Este eskrivyo en Ebreo, i ansi los rabinos le dieron buenas repuestas! Muy enteresante tambien la konklusion ke mos da el profesor. Vo lo rekomendo.
Rachel Amado Bortnick
Dallas, Texas
Ladinokomunita
______________________________________________________________
En esta seksion “En vista de Rachel”, Rachel Amado Bortnick, fundadora de Ladinokomunita, un foro en Internet para korrespondensia solo en djudeo-espanyol, va a partajar kon mozotros sus komentarios sovre distintos butos.
