En este tyempo… Adi 8 por Albert Israel (meldar i sintir)

Adi (djoya) se engrandesyo en el kartye Gilo de Yerushalayim ke es serka de los kazales arabos. Su madre avlava en inglez i Adi se ambezo muy presto avlar inglez perfekto. Desde la eskola primarya ya era la portaboz de la eskola para los menesteres de relasyones publikas.
En la epoka de la «intifada segunda» (atakos de los arabos) i el tiramyento de la sivdad araba Beit Lehem al kartye Gilo, la Ajensiya Djudia uzava a trayer grupos de turistos djudyos, kon otobuses, a la kaza de Yaron i Jackie. I Adi, de 9 anyos, les dava a entender a los turistos, en inglez fluente, komo se bive debasho de estos tiros…

«Bivas Kreskas i engrandeskas komo el pishkadiko en aguas freskas, amen!»