En este tyempo… Sovre el atako a Israel del 7 de oktobre de 2023: Adi 59 por Albert Israel (meldar i sintir)

Adi esta inmortalizada en formas diferentes. El laboratoryo ke lavoro en la Universita de Beer Sheva se yama a su nombre. La universita kriyo un fondo de stependias a su nombre. En Kanada se kriyo fondo a su nombre para ijikos proves ke puedan partisipar en kampamientos de sport (JCC Sports Camp). Durante el terser partido de las Finales de la WNBA, el ekipo New York Liberty guadro un minuto de silensyo ofisial i izo un omenaje espesial en su memoria.
I lo mas importante, el ospital Shiba realizo un program a su nombre. Este program reusho a kriyar una aplikasyon espesyal (MySequelCare) ke ayuda a kurar personas traumatikas i personas ke sufren de espantos i batimyentos.
Aki tenesh tres filmikos:

«Ken kere bivir kale sufrir……»