eSefarad Noticias del Mundo Sefaradi
25.6.2026
Pasaron kaji 40 minutos. Los misiles ke estan vinyendo de Gazza i los sonos de «bum» no se keren terminar. Yaron salyo de la Kamareta de Abrigo para mirar de la ventana i ver kualo esta afitando. Lo ke vido era muy temerozo. Dyezes de teroristos vinidos de Gazza, armados de punta de pye asta la kavesa, kon tiros, bombas de mano, roketas RPG, eksplosivos i mas… suvidos enriva de motosikletas, estan desbrochando el bariero del kibuts i entrando aryentro.
En akeyos momentos Yaron i todos los Israelyanos empesaron a entender los tres faktos terivles de akel dia: 1. No se trata solo de misiles tirados por 10-15 puntos. 2. Se trata de Gerra kontra teroristos de Gazza ke entraron a Israel. 3. La armada israelyana no esta por enmedyo…
«Ken tiene ventanas de vidro, ke no eche piedras al vizino…»
Albert Israel
Yerushalayim
Shefe del Sirkolo para Prezervar i Promover la Kultura Sefaradi
