eSefarad Noticias del Mundo Sefaradi
El deskuvrimiento en serka de la Sinagoga Medieval de Belchite, en Zaragoza, Aragón es una notisia de gran importansia para el Patrimonio Material Istóriko de Sefarad. Notisias kultura sefardí: Vishita guiada «El pueblo del libro». Libros de la Colección del Museo Sefardí de Toledo, día 17 de septiembre, una vishita para deskuvrir los trezoros del Pueblo del Libro.
«La Sinoa» Sinagoga ke se konosía por los vizinos de Belchite en su tradisión oral. Informamos sovre este destakado deskuvrimiento en pazados días en este puevlo de Belchite.
Entrevista a Carmelo Pérez, alcalde de Belchite i presidente de la Fundación Pueblo Viejo para konoser komo se izo este deskuvrimiento, los lavoros de ekskavasiones, la limpieza de este lugar privilejiado en el puevlo de Belchite, en Zaragoza ke dará en el avenir más importansia al turismo en este chiko puevlo ke kontava kon una Djudería i una Sinagoga ke yamavan «La Sinoa». Oy día soltanto pueden vishitarse en Evropa 5 Sinagogas Medievales, esta será la numeró sesh. El akto de prezentasión de esta Sinagoga i sus ekskavasiones onde se topó a la kaveza el arkeólogo Alfonso Fanjul mos permeterá konoser la análiza ke akredita la autentisitá de la Sinagoga komo un mural pintado kon disenyo de una menorá, o kandelavro de siete brasos, igual ke la ke aparesió en la Sinagoga de Híjar, konversamos sovre el pazado djudió de Belchite, el interezo por parte del Ayuntamiento de Belchite en estos lavoros de rekuperasión de la Sinagoga Medieval, la valorasión de esta mueva deskuverta para el Patrimonio material djudió de Belchite, de Aragón i de Sefarad. Kurunamos el programa de empesijo de temporada kon el kante kontemporáneo «Las Yaves de Sefarad», autoría i interpretasión Viviana Rajel Barnatán.
Emisión Sefarad, la importansia i notisias del Patrimonio Kultural Material de Sefarad.
________________________________________________
Muevos orarios emisión: Domingos 09’30, Lunes 12’05, Lunes 22 hs. (Onda corta), España
La «Emisión Sefarad» es un programa kultural de radio, en lingua sefardí o djudeo-espanyol, que se siente kada lunes enverso Oriente Medio i Mediterráneo i los martes enverso América Norte i Sur. Sefarad es uno de los nomvres de Espanya, i el sefardí es una lingua de baza medieval a la ke se adjuntan palavras de los dialektos i linguas de las sivdades onde los sefaradim moravan. Rajel Barnatán, apareja i prezenta las emisiones i sus kontenido por entero: entrevistas, presonajes, folklor i múzika de ancha diversidad, aktividades, tradisiones, literaturas i una lingüístika atada a la kultura ke tyene sus raízes en Espanya. Ansí «Emisión Sefarad» guadra el trezoro poétiko de los S X al XII en uno de los grandes patrimonios kulturales entregados a la umanidad. Ansiemzmo la kreasión kontemporánea arrebive en muestros días i atira el intereso de oyentes de diversos lugares i paízes.
