eSefarad Noticias del Mundo Sefaradi
Prinsipiamos mueva temporada kon un programa espesial sovre notisias, kultura i múzika sefardí kon el eksperto en múzika klásika Martín Llade. Notisias kultura sefardí: Museo Sefardí, Toledo, Sinagoga del Tránsito. 11 de Septiembre. Presentación Dokumental «Libros. El legado de Alantansí».
Entrevistamos a Martín Llade para konversar i aondar en la múzika sefardí, sus orijines, la importansia de la lingua i la tradisión oral en los kantes i romanses, komo trokan los romanses, i detalyios poko konosidos ke mos aporta Martín, una entrevista kon uno de los presonajes más importantes dientro de la temátika muzikal en Rne y Radio Clásica.
Martín Llade es Licenciado en Periodismo i Publicidad por la Universidad del País Vasco. Entre 2003 y 2010 fue koordinador de redaksión de la revista de músika klásica Melómano. Desde 2018 retransmite para RTVE el Concierto de Año Nuevo de Viena ke iziera siempre José Luis Pérez de Arteaga. En 2016 es galadronado kon el Premio Ondas al «Mejor presentador de radio hablada» por el programa radiofóniko Sinfonía de la mañana ke dirije en Radio Clásica, akí en muestra kaza Radio Nacional de España. Komo periodista radiofóniko lavoró en diversos manaderos de komunikasión en radio entre eyos Euskal Telebista, Punto Radio y desde 2006 en Radio Clásica, indemás es eskritor. Múzika sefardí en este kapitoló: Kante tradisional «Por la tu puerta yo pasí», romanse «Porke yoras blanka niña», voz soprano Montserrat Figueras. Direksión Jordi Savall, kante tradisional de bodas «Eskalerika de oro», voz Mónica Monasterio, Romance «Diego León», interpretado por la kantadera Fortuna. Kurunamos el programa kon el kante «Una tarde de verano», versión Mónica Monasterio, Horacio Lovecchio.
________________________________________________
Muevos orarios emisión: Domingos 09’30, Lunes 12’05, Lunes 22 hs. (Onda corta), España
La «Emisión Sefarad» es un programa kultural de radio, en lingua sefardí o djudeo-espanyol, que se siente kada lunes enverso Oriente Medio i Mediterráneo i los martes enverso América Norte i Sur. Sefarad es uno de los nomvres de Espanya, i el sefardí es una lingua de baza medieval a la ke se adjuntan palavras de los dialektos i linguas de las sivdades onde los sefaradim moravan. Rajel Barnatán, apareja i prezenta las emisiones i sus kontenido por entero: entrevistas, presonajes, folklor i múzika de ancha diversidad, aktividades, tradisiones, literaturas i una lingüístika atada a la kultura ke tyene sus raízes en Espanya. Ansí «Emisión Sefarad» guadra el trezoro poétiko de los S X al XII en uno de los grandes patrimonios kulturales entregados a la umanidad. Ansiemzmo la kreasión kontemporánea arrebive en muestros días i atira el intereso de oyentes de diversos lugares i paízes.
