eSefarad Noticias del Mundo Sefaradi
Inaugurasión i vishita a la Ekspozisión La Conspiración judeo-masónica. La construcción de un mito. Organizada por la Secretaría de Estado de Memoria Democrática y Centro Sefarad-Israel. Vos azemos musafires en esta ekspozisión sovre la falsa konspirasión judeo-masónica, kon análiza del orijín, desvelopamiento i konsekuensias en la sosietá de uno de los mitos konspirativos más destakados de la istoria kontemporánea de España, una supozisión de atadura sekreta para destruir la nasión. La ekspozisión se disparte en: la fragua ideolójika del enemigo, el antisemitismo istóriko, la propaganda en kontra de masones i djudiós, el Tribunal Especial para la Represión de la Masonería y el Comunismo. Ofresemos palavras del Secretario de Estado de Memoria Democrática, D. Fernando Martínez López, Jaime Moreno Bau, Director de Centro Sefarad-Israel y Leandro Álvarez Rey, Komisario de la Ekspozisión i Katedrátiko de Historia Contemporánea de la Universidad de Sevilla, i ke mos guía en la vishita kontando la istoria del mito traverso karteles, livros orijinales, fotos i prensa vinien del Centro Documental de la Memoria Histórica de Salamanca. Kurunamos el programa partajando refleksiones sovre la importansia de esta ekspozisión kon el Komisario, Leandro Álvarez Rey i el kante kontemporáneo «Las Yaves de Sefarad», de la autoría de Viviana Rajel Barnatán.
________________________________________________
DOMINGOS A LAS 22.30 HORAS, MARTES A LAS 18.30 HORAS UTC.
La «Emisión Sefarad» es un programa kultural de radio, en lingua sefardí o djudeo-espanyol, que se siente kada lunes enverso Oriente Medio i Mediterráneo i los martes enverso América Norte i Sur. Sefarad es uno de los nomvres de Espanya, i el sefardí es una lingua de baza medieval a la ke se adjuntan palavras de los dialektos i linguas de las sivdades onde los sefaradim moravan. Rajel Barnatán, apareja i prezenta las emisiones i sus kontenido por entero: entrevistas, presonajes, folklor i múzika de ancha diversidad, aktividades, tradisiones, literaturas i una lingüístika atada a la kultura ke tyene sus raízes en Espanya. Ansí «Emisión Sefarad» guadra el trezoro poétiko de los S X al XII en uno de los grandes patrimonios kulturales entregados a la umanidad. Ansiemzmo la kreasión kontemporánea arrebive en muestros días i atira el intereso de oyentes de diversos lugares i paízes.
