eSefarad Noticias del Mundo Sefaradi
La Universidad de Murcia selevra el Día del Ladino el 11 de noviembre kon una konferensia de la profesora i Eskritora Paloma Díaz- Mas.
Selevrasión del Día del Ladino en el Hemiciclo de la Faculta de Letras de la Universidad de Murcia. Komo kada anyada se selevra muestra lingua en la Universidad de Murcia, pionera en esta selevrasión desde munchas anyadas atrás.
Entrevista a la profesora Juana Castaño, directora del Área de Filología Románica i profesora de la Facultad de Letras de la Universidad de Murcia, organizadora de este importante día, indemás kolavoradora desde aze munchas anyadas en muestros programas ofresiendo su kultura, investigasiones i saver ansí komo partajando kon los elevos de la Universidad temas de kultura sefardí, muy interesados en este proyekto de «lingua muestra». Esta anyada se ofrese a los elevos la konferensia «La voz de las mujeres sefardíes: un recorrido de la oralidad a la escritura», de la Profesora Paloma Díaz-Mas, ke es ansimezmo filóloga i eskritora sovre la boz de las musheres sefardim. Paloma Díaz-Mas, Membro de la Rae, eskrivió destakados tekstos sovre la istoria de la lingua sefardí i de las musheres sefardim komo «Mujeres sefardíes lectoras y escritoras, Siglos XIX-XXI»(injunto a Elisa Martín Ortega) onde deskriven las ovras más destakadas de las musheres sefardim de todos los tiempos kon una onda análiza de ovras i vidas de las musheres i sus aportes literarios. Konosemos en la entrevista todos los detalyios i presonajes de esta selevrasión. Un muevo enkontro anual entre los elevos de la Universidad de Letras de Murcia i la istoria biva de muestra lingua en sus distintos askpektos istórikos i literarios. Kurunamos el programa kon el kante kontemporáneo d’amor a Sefarad «Las Yaves de Sefarad», autoría i interpretasión Viviana Rajel Barnatán.
________________________________________________
Muevos orarios emisión: Domingos 09’30, Lunes 12’05, Lunes 22 hs. (Onda corta), España
La «Emisión Sefarad» es un programa kultural de radio, en lingua sefardí o djudeo-espanyol, que se siente kada lunes enverso Oriente Medio i Mediterráneo i los martes enverso América Norte i Sur. Sefarad es uno de los nomvres de Espanya, i el sefardí es una lingua de baza medieval a la ke se adjuntan palavras de los dialektos i linguas de las sivdades onde los sefaradim moravan. Rajel Barnatán, apareja i prezenta las emisiones i sus kontenido por entero: entrevistas, presonajes, folklor i múzika de ancha diversidad, aktividades, tradisiones, literaturas i una lingüístika atada a la kultura ke tyene sus raízes en Espanya. Ansí «Emisión Sefarad» guadra el trezoro poétiko de los S X al XII en uno de los grandes patrimonios kulturales entregados a la umanidad. Ansiemzmo la kreasión kontemporánea arrebive en muestros días i atira el intereso de oyentes de diversos lugares i paízes.
