eSefarad Noticias del Mundo Sefaradi
Ver todos los artículos de esta sección >>
EL AVOKATO I EL DJUDYO AEDADO
Un avokado i un djudyo aedado estan asentados uno al lado del otro en un volo largo kon avion.
El avokado le demanda al djudyo si kere djugar un djogo para ke se diviertan.
El djudyo esta kansado i solo kere serrar sus ojos i durmir un poko… Le responde amavlemente ke puedran djugar mas tadre i ke se siente muy kansado al momento mizmo.
El avokato insiste :
– Vos demando una kestyon… Si no lo savesh me pagash solo 5 Dolares. Si yo no puedre responder a vuestra kestyon, vos pagare 500 Dolares !
Esto attira la atensyon del hombre aedado i para trankilizar el avokato le dize ke esta de akordo de jugar.
El avokato demanda la primera kestion:
– Kuanto es la distensya de la planeta Tierra a la Luna ?
El djudyo no dize una biervo, mete la mano el bolsilyo, kita un bilyeto de 5 Dolares i se lo da.
Agora es su torno. Le dize :
– Ke es lo ke va ensima de una kolina kon tres piernas i abasha de aya kon kuatro ?
El avokato utiliza su laptop i bushka todas las referensyas ke el puedriya enkontrar en el web!
Embiya emailes a sus amigos… Inutil ! No tiene repuesta a esta demanda…
Dospues de 1 hora de bushkada el Avokado aksepta su derrota. Despierta el hombre de su lado i le da 500 Dolares. El hombre aedado mete las paras en su bolsilyo, se torna de la otra parte i trata de durmir otra vez.
Al avokado le embarasa ke no puido saver la repuesta, lo espierta al Judyo i le demanda ke es esta koza kon 3 pyes en la kolina i ke tiene 4 pyes kuando abasha.
El djudyo un ojo serrado el otro avyerto, alkansa su bolsilyo, tira un bilyeto de 5 Dolares, se lo da al akvokado !.. I, kontinua a durmir…
Sorizas a todos
Sharope blanco
SEFARADIMUESTRO
Istambul
