eSefarad Noticias del Mundo Sefaradi
Ver todos los artículos de esta sección >>
EUROVISION
La primera vez dospues de 1999…. 200.000.000 de telespektatores en el mundo entero i kon 7300 personas del publiko ke kavyo en el Expo de Tel-Aviv i mas de 70.000 admiratores mirando en los centros avyertos del Eurovision Village en la sivdad entera…
El EUROVISION tan diskutado, tan kritikado kon tanto odyo, no por la muzika ma por Israel… Este EUROVISION regalado a su kerido payis por la chikitika borekita ke es Netta Barzilai antes un anyo, se termino… Baruh Hashem kon grande sukseso, applozos, todo justo i mil maraviyas ! Otra una vez Israel logro la estima i la admirasyon del mundo entero a parte de sus enemigos ke rogan dia i noche por su destruksyon…. Mas lo van a suhetar i mas les va vinir males a sus kavesas !…
Fue una fiesta por los ojos, los oyidos de todos los ke partisiparon, artistos komo spektektatores… El Boykott antisemito no les dyo a gustar ! De toda manera no era nada de politiko ma un show artistiko en elkual se peno i se esfuerso muncho, se gasto tanto i tanto, se lavoro por mezes dias i noches. Israel logro a salir la frente alta kon una organizasyon perfekta de este festiuval ke tiene una enorme transendensia en Europa.
Kon tanto profesyonalizmo i realiszasyon impekable del evento, por seguro ke Israel gano ! No po ser el 23 en el final de la kompetisyon ma por la reushitad de este grande evento internasyonal. Ken peryo ? Todos ke durante estos dias no saven ande eskonder sus karas, gritaron por nada sus antisemitizmo ke no puedyeron kontenir, en las kayes, en la media i entre todos ke apoyan estos fanatikos… Se diskalifyo Islanda ke no se averguenso
Ke alegriya era de oyir «Shalom Israel» de los payizes ke dieron sus notas a las kantikas…
KOL HA KAVOD ISRAEL POR NUNKA DESHARMOS AVERGUENSADOS DELANTRE DE LOS KE NO MOS SUPORTAN…
i… Feslisitasyones a Duncan Laurence for «ARCADE» representing HOLLANDA ke gana la Euovision del 2019 dospues de su viktorya en 1975.
Sharope blanco
SEFARADIMUESTRO
Istambul
