eSefarad Noticias del Mundo Sefaradi
Keridos amigos i mis amigitas, Shabat shalom.
Me kayo entre las manos este eskrito i me vino ganas de traduizirlo para vozotros.
Unos kuantos rekomendamientos pueden servir a kualker momento en la vida.
El ke lo eskrivyo (no se ken es) dyo muncha importansya a la amistad, a lo kurto ke es la vida, a las valores morales i no a lo material, al komportamiento desiente, a la buendad, a la sinseritad, al ayudo entre las personas, a la pasensya, en kurto a lo mas de lo ke vozotros i yo mizma damos importansya tambien…
Kon todo mi karinyo
Sharope blanco
KREYO KE
No es porke dos personas se peleyan no se aman
I no es porke dos personas no se peleyan se aman.
KREYO KE
No tenemos ke trokar muestros amigos
si vemos ke muestros amigos trokaron
KREYO KE
No importa ke buenos amigos sosh
No es posivle de evitar kestyones entre
vozotros en vezes en kuando.
Siempre ekskuzalo por esto.
KREYO KE
La verdadera amistad se enfuertese mizmo si ay una grande distansya entre los amigos… Justo komo el verdadero amor.
KREYO KE
Un paso supito, en un momento,
puede kavzar arepintamyento la vida entera.
KREEYO KE
Me tomo muncho tiempo para yegar a ser
la persona ke kije ser
KREYO KE
Se deve de espartir de los keridos siempre
kon biervos dulses. Ay siempre la posibilitad
ke seya la d’alkavo vez ke vos estash viendo.
KREYO KE
Se puede seguir indo por muncho tiempo
dospues ke se pensa ke no se puede mas..
KREYO KE
No importa lo ke pensamos, somos
reponsavles por lo ke azemos
KREYO KE
O se kontrola el komportaiento
o el komportamiento kontrola la persona
KREYO KE
Se trata de VAYENSYA kuando se aze
lo ke deve ser echo kuando lo kale sin
tener espanto de las konsekuensyas
KREYO KE
Mi amigo sinsero i yo puedemos azer
kualker koza o nada i gozar de ser enjuntos
KREYO KE
Las personas ke pensas ke te daran una punta
de pie kuando kayes o te eskayes pueden ser
akeyos ke te ayudaran a alevantarte o darte
un ombro.
KREYO KE
Afita ke me inyerve i penso ke tengo
razon de inyervarme me este estado
no me da el derecho de ser negro i krual
KREYO KE
Ser maduro dependye de las eksperiensas
ke uno tuvo en su vida i kuanto se ambezo
de estas, i manko de kuantos aniversaryos fiesto
KREYO KE
No es siempre bastante de ser perdonado
por otros. A vezes kale saver perdonarse
tambien.
KREYO KE
El mundo no keda de boltar mizmo no
importa kuanto mal se siente la persona
KREYO KE
Muestro pasado i las sirkunstensyas
mos influensaron a ser el tipo de
persona ke somos ma somos responsavles
por el humano ke boltimos a ser.
KREYO KE
No se deve de ser muy ambisyozo de
deskuvrir los sekretos. Esto puede trokar
vuestra vida por siempre.
KREYO KE
Dos personas pueden mirar a la mizma
koza i verlo de manera totalmente diferente.
KREYO KE
Vuestra vida puede trokar de un momento al
otro por personas ke no vos konosen mizmo.
KREYO KE
Mizmo kuando se pensa ke no keda nada mas
de dar, si un amigo grita por ayudo, se topara
siempre la fuersa para ayudar.
KREYO KE
Todo lo ke se enkolgo en las paredes amostrando
ken sosh i kualo logratesh, nunka sera sufisiente
para attestar de la desiense de humano ke sosh.
KREYO KE
Las personas ke amash lo mas mos deshan
la vida bueno lo mas presto.
Las personas las mas felises no tienen todo i lo mijor: Saven solo i apresyar i gozar de todo lo ke tienen.
Sharope blanco
SEFARADIMUESTRO
