eSefarad Noticias del Mundo Sefaradi
En esta seksion Sharope Blanco, fundadora de Sefaradimuestro, un foro en Internet para korrespondensia sovre kultura sefaradi kon el buto de ranimar la kultura de los djudyos sefaradis, va a partajar kon mozotros su penserios i kriasiones literarias.
LA LUVYA DE LA NOCHE
______________________________
La luvya freska a mi ventana,
Mi ventana a mitad avyerta.
Es un kanto de una sola nota
La luvya s’alegra chafta chafta …
El bruido de los tirguelos,
Alamparas aklaran los sielos,
En la noche sin dingunos
Siento mis batimyentos..
Aguas se vazyan de las kayes..
Me akodro de mi loka chikes
Kaminavamos los pies en los seles
Bolados de plazer, indomos a la roves !
Las gotas godras i tivyas de la luvya
Me yaman d’afuera , de leshos, aya
Inchen mi korason ke mas no se kaya
Las kanto en los versos de mi poeziya
Gotas mas gotas … Mas i mas kayen,
Rios de glorya para la tierra, s’arrekojen.
Luvyas alimpyan las almas, ansina dizen !
Efasan las lagrimas, dan vida kuando vienen.
Sharope Blanco
