“Antolojía de Kuentos Sefaradíes” Kapítolo I: Kuentos de Kulli: 15. EL REY I SUS IJOS por Liliana Benveniste

Ver todos los artículos de esta sección

“Antolojía de Kuentos Sefaradíes”
Kuentos traskritos por Liliana Tchukran de Benveniste del livro “Antologia de Cuentos Sefaradíes” de Pascual Pascual Recuero, 1979

———————————————————–

15. EL REY I SUS IJOS

Un rey estava djuzgando en el lugar de la djustisya i sus ijos estavan a su lado. Kuando se izo la noche tomo el rey el fener en su mano i fue kaminando para irse a su palasio, i sus ijos detras de el. Vineron los grande del reyno a tomarle el fener de mano del rey, diziendole:

-A mozotros konviene ke kaminemos delantre de tus ijos kon el fener para arelumbrarles.

Les respondio el rey, diziendo:

-Yo no lo ago esto por mankura de esklavos ke tengo ke me siervan, sino lo ke lo ago es para darvos a saver kuanta amistad tengo kon mis ijos. I kon esto ke vos akavidesh muncho en su kavod.

——————————————–

En relasion kon el milagro ke izo Yave, para azer somporotavle a los djudyos su kamino por el dezierto, en forma de nuve, en forma de nuve en el diya i de fuego por la noche (Ex 13-21, arekojo el otor (folio 114d) este midrash de la Mekilta, ke vale para ambezar ke todo poderozo deve dar el ekzemplo i ser umilde.

—————————————–

Kuento trezladado de la notasión fonetika a la notasion AY (Aki Yerushalayim) por Liliana Benveniste del livro “Antología de Cuentos Sefaradíes” de Pascual Pascual Recuero, 1979 – Kapítulo I: Kuentos de Kulli