“Antolojía de Kuentos Sefaradíes” de Pascual Pascual Recuero – Kapítolo VI – Kuentos de Pontrémoli: 72. EL FOYO I EL MULADAR trasliteración de Liliana Benveniste

Ver todos los artículos de esta sección

“Antolojía de Kuentos Sefaradíes”
Kuentos traskritos por Liliana Tchukran de Benveniste del livro “Antologia de Cuentos Sefaradíes” de Pascual Pascual Recuero, 1979

———————————————————–

72. EL FOYO I EL MULADAR

Esto era dos personas, ke uno tenia un monton de muladar grande en su kampo, i lo tenia por ansya i entronpeso ke keria dezbarasar el lugar; i el otro tenia un foyo ondo en su kampo, ke lo keria enchir. Se toparon los dos. Le demandó el uno al otro:

-Véndeme dicho montón, ke kero enchir mi kampo, i yo enviaré mis lavoradores por desbarasar su kampo.

Le respondio su haver:

-Esto es lo ke bushko yo, ke yo lo tengo por ansia dicho montón i lo keria desbarasar por mi kuento.

I se lo vendió.

—————————————–

En el dezvelopamiento del livro Ester djuga la finalidad politika del rey de Persia i de su primer ministro, kon un plan ke deve ser pensado de fakto, para no azer al mizmo tiempo el egoismo propio kon la maldad del proksimo, en mal de otro. el kuento viene de un posivle titolo ebreo Pirká Qamma di-Megilá, metido en el empesijo del komentario de Rafael Hiyah Pontrémoli para el M.L. Ester (oja 9a de la Primera edisión, Esmirna 1864; p. 21 de la trezen edisión, Konstantinopla 1899, i p. 42 de muestra trasliterasion impresa en el tomo XIII de la Biblioteka Universal Sefaradí, Gredos, Madrid 1974)

—————————————–

Kuento trezladado de la notasión fonetika a la notasion AY (Aki Yerushalayim) por Liliana Benveniste del livro “Antología de Cuentos Sefaradíes” de Pascual Pascual Recuero, 1979 – Kapítulo VI: Kuentos de Pontrémoli.