“Antolojía de Kuentos Sefaradíes” de Pascual Pascual Recuero – Kapítolo II – Kuentos de Magriso: 36. MELIZINAS DISTINTAS por Liliana Benveniste

Ver todos los artículos de esta sección

“Antolojía de Kuentos Sefaradíes”
Kuentos traskritos por Liliana Tchukran de Benveniste del livro “Antologia de Cuentos Sefaradíes” de Pascual Pascual Recuero, 1979

———————————————————–

36. MELIZINAS DISTINTAS

Un mediko entro a vijitar dos hazinos, i vido a el uno ke ya estava para morir i no via esperansa de él, i le disho ke le dieran a komer de todo lo ke demandava, i a el otro hazino, ke ya estava en puerto salvo para sanar, lo akavido muncho en kuento de la komida ke le rejira kon buenorden, ke no komiera tal koza ni tal otra, sino todo lo ke tenia de komer fuera bien esmerado.

—————————————–

Ekzemplo afortunado, dunke kurto, en la literatura ebrea medieval, arekojido por Rashi, Vayikra Rabbah, Yefat-toar i el Midrash Tanhumá, a proposito de uno de los komandos dietetikos rekomendados por la Ley (Lv 11-2), ande se remarka ke no todos los kavzos i faktos son iguales en la vida. Okupa diez lineas (Folio 43 c) del komentario ladino de Magriso i edision nombrados.

—————————————–

Kuento trezladado de la notasión fonetika a la notasion AY (Aki Yerushalayim) por Liliana Benveniste del livro “Antología de Cuentos Sefaradíes” de Pascual Pascual Recuero, 1979 – Kapítulo II: Kuentos de Magriso.