eSefarad Noticias del Mundo Sefaradi
Aki Yerushalayim es una revista fondada en 1979 por el ekipo de la Emisión Djudeo-espanyola de Kol Israel (Radio Israel) i publikada asta 2016 por la asosiasión “Sefarad”. Dezde 2019 es publikada en el internet komo un jurnal independente, i dezde 2022 también imprimida kon el ayudo del «Sentro Recanati del Patrimonio Djudió de las Komunidades de Salónika i Grecha».
Los dos butos prinsipales de Aki Yerushalayim son:
1. Azer mijor konoser la kultura i el folklor de los djudiós sefaradís (de orijín espanyola) ansí ke sus istoria i sus estado aktual.
2. Estimular i ayudar a renovar en la mizura del posible, la aktividad literaria, jurnalístika i folklórika en ladino, kontribuyendo ansí a los esforsos para la konservasión i promosión de esta lingua i de su kultura.
En el kuadro de estos butos la redaksión de “Aki Yerushalayim” está pronta a resivir i publikar artíkolos i otras eskritas de muestros lektores a kondisión ke traten de los temas mensionados i ke sean topados adekuados. Los artíkolos firmados son publikados basho la responsabilidad de sus autores i reflektan sus opiniones i konosimientos, por los kualos la redaksión de Aki Yerushalayim no se konsidera responsable.
Planeamos a publikar el numeró próksimo de la revista (#107) en septembre o oktobre 2022, i la data final por resivir artíkolos es 10.7.2022.
Adreso de posta elekrónika: yerushalayimaki@gmail.com
Sitio web: https://yerushalayimaki.
Pajina de facebook: https://www.
Aldo Sevi,
Shefe redaktor de la revista
