eSefarad Noticias del Mundo Sefaradi
Keridos amigos i amigas.
En la Revista «HAMODIA» de Oktobre vide un artikolo ke trata del Aniversario de 60 anyos de la Sinagoga Sefaradita en Melbourne.
Esto empeso kon un grupo chiko de djudios del Medio Oriente ke dezeava tener su espasio i sonidos propios de orasion. A la fin eskapo de ser una Sinagoga i Kehila vibrante i vizionaria kon senso de identidad i buto.
La Sinagoga «Sassoon Yehuda» representa a los Judios del Medio Oriente, Norte Afrika, India i Asia. Establesida en Malvern grasias a la jenerozidad de «Albert Yehuda» en 1994, la komunidad se movio a «Balaclava» ande se topa dezde este tiempo.
Despues de un sierto tiempo se aminguo en miembros i finansas, entre 2014-2018 entro despues a una era de renovamiento en 2019 del Presidente «Joanne Levy» i el Trezorero «Abraham Cohen», lavorando kon el Ekipo Rabiniko basho el Rabino «Benjamin Kesly» i el soporte de la komunidad.
En los ultimos 4 anyos, la sinagoga kreo parteneria kon numerozas organizasiones djudias, en promosion de la kultura djudia. Un program nomado «Yahad Be Yahad» por la djuventud ofrese un espasio a los mansevos en Shabaton, Edukasion i Leadership.
Se sienten orgulyozos por aver invertido en los djovenes, la komunidad i en el futuro Sefaradita i Australiano. Un otro program es la ensenyanza de las mujeres i programes sosiales. Tienen sesiones de «Shiurim/learning» kon el objektivo ke todas las edades puedan konektarsen al djudaizmo i a Israel.
«La Proksima Djenerasion» ke fue fundada en 2007 ke se ocupa de la Kultura, Muzika, Komida i de Tradisiones i Istorias Onoradas. En 2024 se izo una amejorasion en metiendo ayi el Museo Judio basho el nombre de «Anna Hirsh» ke onora a la istoria sefaradi. El muzeo se topa serka del Muzeo del Olokosto. Se ve komo los djudios bivian en paises arabos i komo fueron ekspulsados. Sovre todo en Gresia i los Balkanes. Tienen la intension de introdusir un program de «Bar/Bat Mitsva», mostrar los filmos sefaradis i azer demostrasiones de kuzina. Ma en esto todo nesesitan tener un ayudo. En tiempo de los «Yamim Noraim» «Katastrofe,» la sinagoga fue un sekreto bien guadtado. Ke saven azerlo.
Fuente: Ladinokomunita
