eSefarad Noticias del Mundo Sefaradi
Keridos amigos «Aki Estamos, l’Association des Amis de la lettre Sepharade», esta organizando, kon la Aliansa izraelita universal, una Universita de enverano djudeo-espagnola ke va tomar lugar en Paris del 8 al 13 de julio.
Marie-Christine Bornes Varol, keeskrivio eya un livro para embezarse la lingua muestra, aksepto de ser la prezidente del Komite sientifiko.
Emos konvidado munchos avlantes ke van a vinir de Israel, de Espanya, de Canada, de Belgika… i de Fransia. Vamos a tener atelieres de lingua, de kanto, de kozina, konferensias, mezas redondas, filmos, konsertos… Kale ke sepash ke tenemos agora un sitio internet dedikado, ke mos fraguo Francois Azar, el vise-prezidente de muestra asosiasion.
El adereso del sitio es : www.ueje.org.
Mos puedesh tanbien eskrivir a akiestamos.aals@yahoo.fr
No toparash mijor okazion para tomar algunos diyas de vakansas en Paris… Vos resiviremos kon grande plazer.
Pesah alegre ke tengash todos.
Kon amistad.
Jenny Laneurie Fresco Paris
Para Ladinokomunita
