UNA VIJITA ISTORIKA trezladado al ladino por Simon Geron

Por la primera vez en una dekada, el Ministro de Asuntos Extranjeros de Ejipto vijito Israel, signando un romanse nuevo entre los 2 países. Justo 4 anyos antes los 2 países se demandavan si el Akordo de Paz de 1979 puedia sovrebivir. Este artikulo ke salio en el Jewish News fue presentado por ‘Nathan Jeffay».

Justo 4 anios antes «Mohamed Morsi» miembro de la Ermandad Islamika se avía echo el Presidente de Ejipto. Las relasiones entre Cairo i Jerusalem estavan kompromidas. Una vez ke Morsi fue echado afuera las relasiones se mejoraron al punto de yegar a Una Luna De Miel. Ejipto embío atrás a su embasador de Tel-Aviv i el líen de seguridad se izo mas profundo. Esta semana vino a Jerusalem «Sameh Shoukry» el Ministro de Asuntos Extranjeros i el kon el Primer Ministro de Israel «Binyamin Netanyahu» se fueron a ver el Mach de Futbol.Era una vijita de rekonsiliasion i de optimismo ke termino kon la oferta de la parte de Ejipto de organizar Nuevas Negosiasiones entre Israel i los Palestinianos.

Shoukry disho ke esta pronto a ayudar a los 2 lados i van a kontribuir a esto.Disho ke dan valor a la konfianza de los 2 lados i a la de la Komunidad Internasional para ser kometidos a la Paz, Estabilidad i la Justisia.El Presidente de Ejipto «Abdel Fattah el-Sisi» disho en Mayo ke el Tratado de Paz de su país kon Israel puede servir komo model por La Paz Entre Israel i Los Palestinianos. Shoukry detrás de las Puertas Serradas konto komo se puedia azer esto.Este Akordo puedia traer benefisio grande a toda la Rejión del Medio Oriente. La visión de 2 Estados es lógiko.

En jeneral los terroristos attakan kuando pasan por ayi los vijitores para atirar la atensión del mundo.Esta vez se kedaron kalmo, aparte de un attako kontra el automóvil de un Israeliano en el West Bank.»Eitan Finkel estava ferido,ma su mujer i 5 kriaturas no fueron tokadas.La vijita de Shoukry vino en un tiempo kuando Israel estava en konneksion de manera eskondida kon unos kuantos países Arabos.Uno era la Arabia Saudita.Israel firmo un akordo de rekonsiliasion kon la Turkia el mes pasado. Netanyahu se fue a Afrika konstruyendo relasiones kon unos kuantos países.Durante el tur disho «Israel se torna a Afrika i Afrika se torna a Israel».Netanyahu fue el primer kapo del Estado de Israel a vijitar Etiopia i la semana pasada adreso a su parlamento. Avlo en Uganda,Kenya i Rwanda diziendo ke el kere ver Israel ko-operando kon los países Afrikanos en la defensa i en otras kosas.