eSefarad Noticias del Mundo Sefaradi
Keridos amigos i amigas.
——————————————————————————-
UN TREZORO DE 175 ANYOS DE LA ISTORIA JUDIA
Tenian la intension de azerlo desde muncho tiempo i se avlo de azerlo en forma dijital kon las kopias de los Jurnales Judios a traves el mundo. 3 organizasiones vieron su importansia i no era una koza ke uno puedia azer solo por razon de la magnitude de este echo. El lavoro kontinuo kon las koneksiones culturales i linguisticas en las comunidades diversas i sus historias.Un iniciativo soportando la beca internacional a los ke se interesaban al estudio de la Juderia Australiana. Tenemos un trezoro grande de informasion kon el akseso a la Prensa Istorika Judia de todas las komunidades i en todas las linguas a traves «JPress» ke esta en aumento.
Esto signifika ke puede aver muncha mas informasion disponible del perspektivo de la Komunidad Judia. Uno se metio a bushkar algo sovre su auvelo en los anyos 1920 i 30. Parese eksitante para la komunidad ke saltara sovre esto.
Para fasilitar. las investigasiones tendran un kanton ke explika la teknolojia al lado de la pajina orijinal del texto. Es un. tentativo global para el Puevlo Judio i va avrir unas vistas muevas en la istoria en kada aspekto de la Vida Judia. La Prensa Judia aki estuvo siempre en el korason de la istoria por 180 anyos. No solamente rekordandola pero en aziendola lavorar endjuntos kon las librerias de la Australia i de israel i la Sociedad Historica Judia. Esto es un momento grande. Un projekto ke fue posivle solamente kon la asitensia finansiera de Filantropes komo «David Lesnie Foundation», la Embasada de Israel en la Australia, Besen Bamily Foundation, Eitan Neishoos i Lee Levi. [Kon esta teknolojia, no me sorprenderia de ver un lien entre Shalom/El Amaneser i Jewish News.]
Trezladado por Simon Geron
Fuente: Ladinokomunita
