UN ROSH ASHANA DIFERENTE trezladado por Simon Geron

UN ROSH ASHANA DIFERENTE

Kuando era chika savia ke era diferente. la manera ke su avuelo dizia el Kidush era diferente, Su sinagoga era diferente i el Sefer Tora era diferente. Mismo la manera ke se dizia «HAMOTZI». Pero le plazia ser Judia Sefaradita i oy mismo le plaze. Se siente orguyoza de tener sus raizes en Bagdad i Bombay. En lugar de komer ‘Gefilte Fish» i gaina asada para Shabat,  tener «Curries, Kubbeh/aroz mesklado kon karne, semolina» i hameem echo de kardamom, klavos de komer, kanela i turmerik». Le plaze kortar el Tanid de Yom Kipur kon esto en lugar de tomar samosas de kezo, datas i agar agar. Indo a una eskola moderna de Judios Ortodoxes, le avian ensenyado el Judaismo Ashkenazi kon el kostumbre de meter la mansana en la miel i no tomar aroz en Pesah. Las orasiones eran diferentes i le faltavan las bozes melodikas de sus tios grandes kantando a la manera Sefaradi en Arabo i Ebreo. Su parte Sefaradita venia de la kaza. pero kuando se kazo kon un Ashkenazi, el avia adoptado de amor muncho de la tradision de los Sefaradim, Resivieron komo regalo Kupas de Kidush muy ermozas i sonyava siempre a la tradision Bagdadi djusto komo sus padres ke dizian ke el vino nunka se gastava. Sus ijos sigiendo la Ortodoxia Moderna en la eskola Judia, su ijo bohor tenia 5 anyos. El tambien era diferente. Tomo la kupa de Kabalat Shabat i demando un million de kestiones sovre el Pesah ke era diferente de lo ke azia su madre. Ande se avlava de las plegarias i el vino se echava. En los Platos de Seder tenian «Halek/sirope de datas» mesklado kon muezes en lugar de Haroset.
Djusto komo la Meza de Rosh Ashana, la Meza de Pesah era diferente. Ademas se azian las Berahot antes de tomar la supa. Mansanas freskas i miel no tomavan los Sefaradim. A kualo paresian las orasiones a los Sefaradim? Para la famiya de Benjamin eran las tradisiones de Iraq ke tenian sus raizes en Maroko, Espanya, Etiopia i otros paises en la Afrika del Norte i el Medio Oriente. Por munchos anyos su tio azia la orasion sovre un plato de komida antes de pasarlo a otros. Agora la Meza de Rosh Ashana para ke tomen todos. Oy se aze un otro plato de Antre para kada persona, kon kozas individuales, en famiya, resitando bendisiones endjuntos para tener salud i ser alegre en el anyo dulse ke viene.

KE ES LO KE SE DEMANDA?

Ke muestros enemigos i los ke keren azernos mal sean konsumidos.

Ke tengamos una voluntad buena en aziendo suvir muestros meritos.

Ke muestras Mitsvot sean munchas.

Estar en la kavesa i no en la kola.

Akodrarnos del sakrifisio de Isak de la parte de Abraham