eSefarad Noticias del Mundo Sefaradi
By Cnaan Liphshiz
Akurtado i traduizido al Ladino por Albert Tari para Ladinokomunita
Durante siekolos, Turkía sirvio komo una zona sigura para djudíos ke fuyiyan del antisemitizmo.
Los rejistros mas dempranos de la prezensya djudía en Turkia suven a los 220 B.C, ama la zona vio una afluensya prinsipal djudía en el empesijo del siekolo XIV, kuando los djudíos ekspulsados de Hungaría, Fransya, Sicilya i de otras partes emigraron akí. Su impakto positivo sovre el komersyo konvensyo a las otoridades otomanas de esta tierra a dar la bienvenida a mas djudíos.
Kuando Espanya i Portugal ekspulsaron a sus djudíos durante los 15os yi16os siekolos, las dezenas de miles de refujiados sefarditas se establesieron sovre las kostas del Imperio Otomano.
Esta elite desplasada pujo la diplomasia otomana, finansas i literatura. La primera makina de impresyon del Imperio otomano fue establesida en 1493 por David i Samuel ibn Nahmias.
La yegada de los imigrantes transformo Estambul en uno de los sentros djudíos mundiales mas importantes, grasias a una komunidad robusta kon kreativita i diversita rivalizaron kon el de la Edad de Oro de Espanya.
Estava en Turkía kuando Joseph Caro eskrivio el kodigo de ley djudía konosida komo el Shulhan Aruh.
El viernes por la noche el imno «de Leha Dodi» fue kompuesto akí por Shlomo HaLevi Alkabes, komo fue el ladino de Jacob Huli el komentario bíbliko Me’am Lo’ez.
Al final del sieklo XIX, Turkía tambien absorbio a los miles de djudíos ke fuyeron los pogromos en Rusya zarista.
El puevlo djudío turko alkanso a su zenit demografiko – 200,000 miembros – al empesijo de la primera gerra mundial, segun la Sociedad para la Investigasyon sovre Komunidades Djudías.
Mas tarde, Turkía sirvió komo un paso salvo para al menos 15,000 djudíos ke fuyeron de los Nazis.
La perdida de tierras despues de la derrota del Imperio otomano en la primera gerra mundial partio por mitad el numero de djudíos ke biven en Turkía. La mayor parte de los ke demoraron en sus frontieras imigraron a Israel desde 1950, según Arkadash – la Komunidad turka en Israel.
Mizmo kon la proteksyon de las otoridades turkas, la komunita moderna djudía del país sufrio dos atakes mortales en los 30 anyos pasados: Los disparos en 1986 por los terroristas palestinos izo 22 muertos en la sinogoga Neve Shalom de Estambul, i los bombardeos en 2003 desharon 27 muertos – a la mayor parte de eyos no djudíos – afuera de la mizma sinagoga i la de la sinagoga Bet Israel.
Oy, el puevlo djudío turko es estimado de 15,000 a 20,000. Kaji todos biven en Estambul, la sivdad mas grande de Turkía.
Fuente: jta.org
