Silvio Ovadia i Karen Gershon Sarhon onorados en la Universidad de Bar Ilan

Oy el 25 de Disiembre 2012, fue organizada por el Sentro Salti para los estudios en Ladino de la Universidad de Bar ilan, una sermonia muy signifikativa para onorar al fundador i a la direktora del Sentro de investigasion del Sefaradismo en el Imperio Ottomano i en Turkia, ke son el Sr. Silvio Ovadya -ex-presidente de la komunidad Djudia de Turkiya, i la Sra. Karen Gershon Sarhon, todos los dos siendo los pionieros en este kampo en Turkiya.

Despues de ser prezentados a la asitensia, Sr. Ovadia dio un kuento-rendido sovre la komunidad Djudia de 18.000 almas en Turkia i la situasion del Judeo Espaniol, i la Sra. Karen avlo sovre las aktividade del sentro, en el kampo de la musika liturjika de los sefaradis en Turkia (el grande lavoro sovre los Maftirim), la kompilasyon de kantes i el uzo del ladino en diversas komunidades Djudias en Turkiya, konsertos kon partisipasyon de artistas i muzikantes Turkos, la publikasyon de «El Amaneser», ke es el mensual enteramente en Djudeo Espanyol, kon el Aki Yerushalayim.

La seremonia fue asistida por akademikos de la universidades de Bar Ilan, Ben Gurion, i munchos ladinoavlantes.

La asistensia eksprimio su apresyasyon al lavoro ke se aze en Istanbul en este kampo, ansi ke los esforsos de la komunidad Djudia para konservar su patrimonio Djudio-sefaradi.

Selim Amado
Israel