eSefarad Noticias del Mundo Sefaradi
Selevramos muestro XL Aniversario kon los oyentes en Radio Exterior de España, muestra morada. Ofresemos un viashe traverso el tiempo en la istoria de Emisión Sefarad desde sus empesijos el 4 de Abril de 1986, kreado por Matilde Gini Barnatán, onde las estasiones son gravasiones de Emisión Sefarad desde 1988 asta muestros días. Kompartimos testimonios muy valutozos de presoanlitades ke pasaron por muestros programas: El Profesor Rico Pérez, Catedrático de Derecho, pionero por una investigasión ke izo i pujó la Ley de Nacionalidad Española para los deshendientes de los sefardim se topó munchas bezes en Emisión Sefarad, es la istoria primera de komo estas presonas van a reushir en su derecho a la nasionalitá por su orijin sefardí. Kontinuamos viashe en la estasión «Ángel Sanz Briz: El Ángel de Budapest» es su ijo, Juan Carlos Sanz Briz ke mos ofrese su testimonio sovre la vida de su padre destinado en Hungría en 1942 komo Cónsul en Budapest, i komo saltándose las reglas de sus shefes, ofrese salvokonduktos a miles de djudiós salvándolos de una muerte sigura en los kampos de eksterminio nazis: akí su testimonio, un trezoro reflektado en Emisión Sefarad. La estasión valutoza «Sally Perell: djudió i nazi» djudió ke su istoria de fe i lucha inspiró el afamado filmo «Europa, Europa»; el kavso milakroso de Sally Perell se aze pasar por anyos por un nazi, dispartiendo su identitá, su testimonio es un vedradero enshemplo de istoria viva de salvasión. Estasión Matilda: «Maestra de Sefarad, la konservasión de la lingua sefardí», istoriadora, investigadora i kreadora de muestro programa. Kurunamos el programa kon el afamado kante litúrjiko para «Bendigamos» ke interpreta Viviana Rajel Barnatán. «Emisión Sefarad: XL Aniversario, la kultura i lingua sefardí se selevra kon los oyentes del mundo por entero».
________________________________________________
Muevos orarios emisión: Domingos 09’30, Lunes 12’05, Lunes 22 hs. (Onda corta), España
La «Emisión Sefarad» es un programa kultural de radio, en lingua sefardí o djudeo-espanyol, que se siente kada lunes enverso Oriente Medio i Mediterráneo i los martes enverso América Norte i Sur. Sefarad es uno de los nomvres de Espanya, i el sefardí es una lingua de baza medieval a la ke se adjuntan palavras de los dialektos i linguas de las sivdades onde los sefaradim moravan. Rajel Barnatán, apareja i prezenta las emisiones i sus kontenido por entero: entrevistas, presonajes, folklor i múzika de ancha diversidad, aktividades, tradisiones, literaturas i una lingüístika atada a la kultura ke tyene sus raízes en Espanya. Ansí «Emisión Sefarad» guadra el trezoro poétiko de los S X al XII en uno de los grandes patrimonios kulturales entregados a la umanidad. Ansiemzmo la kreasión kontemporánea arrebive en muestros días i atira el intereso de oyentes de diversos lugares i paízes.
