eSefarad Noticias del Mundo Sefaradi
La Autoridad Nasionala del Ladino se alegra de presentarvos las sesiones sovre el Ladino: lingua i literatura, del XX Kongreso de la Asosiasion Internasionala de Ispanistas, ke se selevra este anyo en Yerushalayim.
Numerosos investigadores de todo el mundo partisiparan en el kongreso ke esta organisado entre otros por la ANL.
Las sesiones sovre la lingua del Ladino i su literatura en el kongreso seran los dias 8 i 9 de djulio en la Universidad Ebrea de Yerushalayim, en el kampus de Ar a-Tsofim, en el area de Umanidades 2602.
Endjunto podrash topar el programa de konferensias de las sesiones en ladino (las konferensias seran en lingua espanyola).
A los interesados, ke se topen en Israel, i keran asistir a las konferensias, pueden enregistrarse traverso la ANL al mayl de: ladinoautor@bezeqint.net o al telefono 02-6243068 (Alhad – Djueves 9.00-12.00) asta el martes 2 de djulio.
La entrada a las konferensias se permitira solamente a los enregistrados.
