Sefer Tora en Djudeo Espanyol – Transkrivida kon letras latinas del livro por Ye’huda Sidi / SHEMUEL ALEF (31)

Ver todos los capítulos publicados en esta sección

Sefer TORA NEVIIM UKETUVIM
El livro de la Ley, los Profetas, las Eskrituras
Trazladado en la lingua Espanyola
Estamperea de A. ‘H. Boyadjian
Konstantatinopla 1873

Transkrivido por Ye’huda Sidi. Febrero 2015

SHEMUEL ALEF

31

¹I los Pelishtios pelearon kon Yisrael; i los varones de Yisrael fuyeron delante de los Pelishtios, i kayeron matados en el monte de Gilboa. ²I los Pelishtios akansaron a Shaul i a sus ijos; i los Pelishtios mataron a Ye’honatan, i a Avinadav, i a Malki-Shua, ijos de Shaul. ³I la batalya se apezgo sovre Shaul, i lo alkansaron los flecheros; i fue adoloryado mucho por los flecheros. ⁴I disho Shaul al ke yevava su arma: desvayna tu espada, i traspasame kon eya, porke no vengan estos serrados i me traspasen, i me eskarneskan, ma el ke yevava sus armas no kijo, porke temia mucho, I tomo Shaul la espada i se echo sovre eya. ⁵I vyendo el ke yevava sus armas ke Shaul era muerto, el tambyen se echo sovre su espada, i muryo kon el. ⁶Ansi muryo Shaul, i sus tres ijos, i el ke yevava sus armas, i tambyen todos sus varones auna en akel dia. ⁷I los varones de Yisrael ke estavan a la otra parte del vaye, i los ke estavan a la otra parte del Yarden ,kuando vyeron ke los varones de Yisrael se avian fuido, i ke Shaul i sus ijos eran muertos, desharon las sivdades i fuyeron; i los Pelishtios vinyeron, i moraron en eyas.

⁸I akontesyo al otro dia ke vinyeron los Pelishtios para desnudar a los matados, i toparon a Shaul i a sus tres ijos kaidos en el monte de Gilboa. ⁹I le kortaron la kavesa, i le desnudaron sus armas; i enbiaron en tyerra de los Pelishtios al derredor, para puvlikarlo en la kaza de sus idolos, i por el puevlo. ¹⁰I puzyeron sus armas en la kaza de Ashtarot, i finkaron su kuerpo en la muraya de Bet-Shan. ¹¹I kuando los moradores de Yavesh-Gilad oyeron lo ke los Pelishtios izyeron a Shaul, ¹²todos los varones vayentes se levantaron, i anduvyeron toda la noche, i tomaron el kuerpo de Shaul, i los kuerpos de sus ijos de la muraya de Bet-Shan; i vinyeron a Yavesh, i los kemaron ayi. ¹³I tomaron sus guesos i los enterraron debasho de un arvol en Yavesh, i ayunaron syete dias.

¹I los Pelishtios pelearon kon Yisrael; i los varones de Yisrael fuyeron delante de los Pelishtios, i kayeron matados en el monte de Gilboa. ²I los Pelishtios akansaron a Shaul i a sus ijos; i los Pelishtios mataron a Ye’honatan, i a Avinadav, i a Malki-Shua, ijos de Shaul. ³I la batalya se apezgo sovre Shaul, i lo alkansaron los flecheros; i fue adoloryado mucho por los flecheros. ⁴I disho Shaul al ke yevava su arma: desvayna tu espada, i traspasame kon eya, porke no vengan estos serrados i me traspasen, i me eskarneskan, ma el ke yevava sus armas no kijo, porke temia mucho, I tomo Shaul la espada i se echo sovre eya. ⁵I vyendo el ke yevava sus armas ke Shaul era muerto, el tambyen se echo sovre su espada, i muryo kon el. ⁶Ansi muryo Shaul, i sus tres ijos, i el ke yevava sus armas, i tambyen todos sus varones auna en akel dia. ⁷I los varones de Yisrael ke estavan a la otra parte del vaye, i los ke estavan a la otra parte del Yarden ,kuando vyeron ke los varones de Yisrael se avian fuido, i ke Shaul i sus ijos eran muertos, desharon las sivdades i fuyeron; i los Pelishtios vinyeron, i moraron en eyas.

⁸I akontesyo al otro dia ke vinyeron los Pelishtios para desnudar a los matados, i toparon a Shaul i a sus tres ijos kaidos en el monte de Gilboa. ⁹I le kortaron la kavesa, i le desnudaron sus armas; i enbiaron en tyerra de los Pelishtios al derredor, para puvlikarlo en la kaza de sus idolos, i por el puevlo. ¹⁰I puzyeron sus armas en la kaza de Ashtarot, i finkaron su kuerpo en la muraya de Bet-Shan. ¹¹I kuando los moradores de Yavesh-Gilad oyeron lo ke los Pelishtios izyeron a Shaul, ¹²todos los varones vayentes se levantaron, i anduvyeron toda la noche, i tomaron el kuerpo de Shaul, i los kuerpos de sus ijos de la muraya de Bet-Shan; i vinyeron a Yavesh, i los kemaron ayi. ¹³I tomaron sus guesos i los enterraron debasho de un arvol en Yavesh, i ayunaron syete dias.

Ver todos los capítulos publicados en esta sección

 ————————————————————————

About Yehuda Sidi

I was born in 1953 in Tekirdag, Turkey and grew up in Canakkale. My father Hayim Sidi served as rabbi in both Tekirdag and Cannakale. Yehuda immigrated to Israel at 1971 and has been living in Israel since then. I am a softwere engineer. I am neither a Ladino nor a Tanach scholar. Actually I have very basic knowlede in Judeo Espanyol.

A year ago I looked for a Ladino Tanach in latin characters, and eventually I ended transcribing the Ladino Tanach which was published bt the Protestant missionaries who were vet active in the Speharadic world in the 19th century. This Tanach (and other books) were very popular with the Sepharadic Jews. This Tanach was published in two volumes.

So far I have transcribed the Tora. I am now in the process of transcribing the rest of the first volume which covers Ye’hoshua, Shoftim, Shemuel Alef, Shemuel Bet, Melachim Alef and Melachim Bet. I hope to complete the transcription in a few months.

The transcription was not reviewed by the Ladino scholars. Please report the errors that you find.