REFLEKSIONES SOVRE LOS ULTIMOS REYES DE ISRAEL trezladado por Simon Geron

Mismo si Israel no tenia menester de un rey, en su estado ideal, Moshe Rabeynu disho ke ivan a tener menester ke salga uno. Ansi komando a Israel ke apunten a un rey segun las reglas limita la tendensia materialista i se espera ke sea umilde i ke siga al Dio. En el anyo 2881 el pueblo se torno al Profeto Samuel i en poco tiempo apuntaron a Saul como rey. El Estado de Israel oy no tiene las mismas tendensias ke tenian los Ebreos Antiguos, pero no ay duda ke 2 lideres tuvieron la tenure de djugar el mismo rolo. «David Ben Gurion ke es el Padre Fundador» i «Benjamín Netanyahu ke reino mas tiempo ke Ben Gurion».

Ben Gurion estuvo en la kavesa por 11 anyos, antes i despues de la Segunda Gerra Mundial. Era un tiempo en la altura del Nasionalismo i el Kolonialismo estava en retreta. La ideoljía Komunista i Sosialista estava en marcha. El Sionismo venia de estos evenementos. La vista de Ben-Gurion era atada a esto.

Netanyahu fue el primer ministro de un estado ke se ve oy komo el Poder Rejional Ekonomiko i Moderno kon sivdadanos diversos. Amenazado dainda, pero se ve ke la ekonomia krea la diferensia entre los 2 reyes. La Ekonomia Sosialista se torno de kavesa a pies i Israel se izo una nasion de inovasiones. Fue un kambio enorme i el krédito se va a Netanyahu . Israel fue siempre dominado por el aspekto de seguridad. Para Ben-Gurion era un fakto ke israel iva ser amenazada kon destruksión i ke el Mundo Arabo nunka akseptaría la existensia de Israel. Durante toda su vida penso ke ningun puevlo abandonava sus tierras de voluntad i ke avia la posibilidad a lo mejor de bivir kon esto sin resolver al konflikto. Del mismo perspektivo Netanyahu tomo sus pasos. Mismo si su politika no plaze, la direksión ke se toma tiene una estratejia de seguridad ke parese a la del MAPAI. Una aktividad de kolonias para krear faktos en el suelo. Al fin es una forma de «Detente» kon los Palestinianos komo era kon los Estados Arabos. Antes no rekonosían el derecho de Israel a ser un estado seguro.

Ben-Gurion era un lider de integridad i mas modesto de karakter. En kontra el komportamiento de Netanyahu es yeno de kontroversia. Se va kontra un lider de estatua grande. Los 2 dominaron en sus tiempos. El revisionismo de «Menachem Begin’ no pudo akseptar la hegemonía ke el Sosialismo Sionismo tenia en los primeros anyos. Del otro lado oy la siedra en la opozision no reusho a meterse kontra Netanyahu. Ben Gurion se retiro en 1963 despues de 15 anyos en offisio i no se save por ke razon. Pero tenia la intensión de guadrar su influensia fuerte en el governo. Pensava ke era indispensable. El ke vino despues «Levi Eshkol» tomo un kamino mas independiente i komo resultado Ben-Gurion se vido metido de lado i asolado. Se retiro en SDEY BOKER i se murio en 1973.

Al no tener rivales kredíbles en la Derecha, los partidos de la siedra se toparon perdidos. Netanyahu no solamente gano en las eleksiones, pero se mostro indispensable i puedeser ke todo esto lavoro kontra el en aziendo a Likud en su imajen. El debate politiko se izo personal tirando la atensión a el. Las ultimas eleksiones fueron mas un referendum sovre el. Los 3 reyes de Israel del pasado «Saul, David i Salomon» reinaron munchos anyos no solamente por ser umildes pero por el Dio. Oy bivimos en un tiempo ande los símbolos i las leyendas se rompen presto. En termino de Sionismo, Ben-Gurion fue el mas importante politiko en la Istoria kurta de Israel. Se topo ayi en los momentos los mas desisivos i tuvo una buena reushita. No se save komo la istoria va djuzgar a Netanyahu. Ben-Gurion i los reyes del pasado seran eskritos de muevo i interpretados por otros.