eSefarad Noticias del Mundo Sefaradi
Ofresemos a los oyentes informasiones sovre el arte i el Teatro de los sefardim de Oriente. En temátika muzikal sefardí partajamos la istoria de un afamado romanse sefradí de titoló «Romance de las tres ermanikas» del kualo eksisten diversas versiones, ofresemos dos enshemlos diferentes i kon distintas melodías, el primo en la interpretasión de Santiago Blasco del Cd Los Judíos en Aragón. Veremos las semedjanzas i diferensias entre las dos versiones i sus eksplikasiones dokumentadas. En tradisión oral kontamos kon diferentes refranes sefardim munchos de orijin espanyol, ofresemos una sirá de afamados refranes ke se konservan en las avlas asta oy día. En Patrimonio muzikal kontinuamos ofresiendo la varietá de estilos en kantes tradisionales i kontemporáneos, ofresemos sintir «Alta, alta es la luna» en la versión del CD Viva Sepharad. Kurunamos el programa kon la sigunda versión del «Romanse de las Tres ermanikas», una versión arresivida de modo oral por Rajel Barnatán del Profesor i Investigador Samuel Armestead «.-
________________________________________________
DOMINGOS A LAS 22.30 HORAS, MARTES A LAS 18.30 HORAS UTC.
La «Emisión Sefarad» es un programa kultural de radio, en lingua sefardí o djudeo-espanyol, que se siente kada lunes enverso Oriente Medio i Mediterráneo i los martes enverso América Norte i Sur. Sefarad es uno de los nomvres de Espanya, i el sefardí es una lingua de baza medieval a la ke se adjuntan palavras de los dialektos i linguas de las sivdades onde los sefaradim moravan. Rajel Barnatán, apareja i prezenta las emisiones i sus kontenido por entero: entrevistas, presonajes, folklor i múzika de ancha diversidad, aktividades, tradisiones, literaturas i una lingüístika atada a la kultura ke tyene sus raízes en Espanya. Ansí «Emisión Sefarad» guadra el trezoro poétiko de los S X al XII en uno de los grandes patrimonios kulturales entregados a la umanidad. Ansiemzmo la kreasión kontemporánea arrebive en muestros días i atira el intereso de oyentes de diversos lugares i paízes.
