Programa de Radio EMISIÓN EN SEFARADÍ: Concepción Díaz Berzosa, Premio Corona de Esther – 09/10/2022

premio corona de ester

Entrevistamos a Concepción Díaz Berzosa, vicepresidenta de Amical Mauthausen y otros campos y de todas las víctimas del nazismo en España, ke aresivió el Premio Corona de Esther i la festividad de Yom Kipur en el kalendario evreo. Ofresemos notisias de la guera en Ucrania. Partajamos informasiones sovre la sagrada festividad djudía de Yom Kipur selevrada este mierkoles 5 de octubre en el mundo por entero, la data más sagrada de toda la anyada, el ayuno, orasiones i su signifikado. En Centro Sefarad-Israel, en el Akto de de Rosh Ha Shaná, Año Nuevo Judío, Concepción Díaz Berzosa aresivió este galadrón por su lavoro munchas anyadas komo Vicepresidenta de Amical.  Amical es la Asociación de los eksdeportados republikanos  espanyoles de los kampos de konsentrasión del nazismo, ansí komo sus familiares i amigos, tanto de superbivientes komo los ke fueron asesinados. Konversamos kon Concepción sovre el lavoro de Amical en España, i la ensenyanza de la Shoá, Olokasto en las eskolas i institutos kon el buto de rekodrar a esos espanyoles i sus memorias i a todas las víktimas de la Shoá. Amical kolavora  i puja aktividades en komún kon institusiones de España i del ekstranjero kon estos mezmos butos. Patrimonio muzikal: Romance «Tres ermanikas eran» (Tradisión oral en versión de la Isla de Rodas), interpretado por Viviana Rajel Barnatán.

________________________________________________

DOMINGOS A LAS 22.30 HORAS, MARTES A LAS 18.30 HORAS UTC.
La «Emisión Sefarad» es un programa kultural de radio, en lingua sefardí o djudeo-espanyol, que se siente kada lunes enverso Oriente Medio i Mediterráneo i los martes enverso América Norte i Sur. Sefarad es uno de los nomvres de Espanya, i el sefardí es una lingua de baza medieval a la ke se adjuntan palavras de los dialektos i linguas de las sivdades onde los sefaradim moravan. Rajel Barnatán, apareja i prezenta las emisiones i sus kontenido por entero: entrevistas, presonajes, folklor i múzika de ancha diversidad, aktividades, tradisiones, literaturas i una lingüístika atada a la kultura ke tyene sus raízes en Espanya. Ansí «Emisión Sefarad» guadra el trezoro poétiko de los S X al XII en uno de los grandes patrimonios kulturales entregados a la umanidad. Ansiemzmo la kreasión kontemporánea arrebive en muestros días i atira el intereso de oyentes de diversos lugares i paízes.

Check Also

salonica 1

96%: Una performance–documental sobre los judíos de Salónica de Prodromos Tsinikoris en el Monasterio Lazarista

  Una representación original titulada «96%», basada principalmente en investigaciones, tendrá la oportunidad de ser …

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.