Poesía: MI AMOR de Grasia Jak Albuhayre

Grasia Jak Albuhayire

MI AMOR

La primera amor mia,
se va kazar kon otro.
La amor primera ke tenia,
mi amigo se la tomo.

Esto kombidado a la boda,
komo a esta boda se va?
La vo bezar en la kara,
mi korason va yorar.

A la boda tuya kerida no vo venir,
de verte kon otro me vo murir.
Kazate sin mi- kon salud i amistad
i bivi la vida kon otro en felisidad.

Grasia Jak Albuhayre
Livro Nº 3 – 2012
Sofia – Bulgaria